قازاقستان ەتنيكاارالىق قاقتىعىستار مەن ساياسي تۇراقسىزدىققا جول بەرمەدى - م. تەتچەردىڭ ق ر پرەزيدەنتىنىڭ ساياساتى تۋرالى پىكىرى

استانا. قازاقپارات - ۇلىبريتانيانىڭ بۇرىنعى پرەمەر-ءمينيسترى مارگارەت تەتچەر مەملەكەت باسشىسى نۇرسۇلان نازاربايەۆتىڭ «قازاقستان جولى» كىتابىنىڭ اعىلشىن تىلىندەگى نۇسقاسىنىڭ العى سوزىندە ەكونوميكاسى قارىشتاپ دامىپ كەلە جاتقان قازاقستاننىڭ بىرەگەي ساياساتىنا جوعارى باعا بەرگەن بولاتىن.

كىتاپتىڭ تانىستىرىلىمى 2008 -جىلى لوندوندا وتكەن ەدى.

«...كوپتەگەن پوستكەڭەستىك ەلدەرمەن سالىستىرعاندا، قازاقستان باعدارسىزدىق، زورلىق- زومبىلىق نەمەسە جاپپاي نارازىلىقتى باستان كەشپەدى. ەل ەتنيكاارالىق قاقتىعىستار مەن ساياسي تۇراقسىزدىققا جول بەرمەدى. بۇگىندە قازاقستان - ەكونوميكاسى بەلسەندى دامىپ كەلە جاتقان ەل: مەملەكەتتىك كاسىپورىندارى جەكەشەلەندىرىلگەن، شاعىن بيزنەس قاجەتتى قولداۋعا يە، «جاڭا» ورتا تاپ قالىپتاسۋدا. ەلدىڭ وسى جەتىستىكتەرى ەل پرەزيدەنتىنىڭ باسقارۋ ەپتىلىگى مەن تاباندىلىعىنىڭ ارقاسى. كوممۋنيزم قۇلاعاننان كەيىن قازاقستان ءوزىنىڭ دامۋ ساياساتىن قۇرىپ، ۇلتتىق بىرتەكتىلىگىن قالىپتاستىردى».

ەسكە سالساق، 2-4 -قاراشادا قازاقستان پرەزيدەنتى ۇلى بريتانيا مەن سولتۇستىك يرلانديانىڭ بىرلەسكەن كورلدىگىنە رەسمي ساپارعا شىعادى.