قازاقتىڭ «سوتتالعان» ءان-كۇيلەرى
1933 -جىلى 200 دەن استام ءان-كۇي رەسمي تۇردە سوتتالعان. ول اندەرگە «كەڭەستىك يدەولوگياعا قايشى، بۇلار فەوداليزمدى، قازاقتىڭ ەسكىلىك ءومىرىن اڭسايدى، پارتيانىڭ ساياساتىنا قايشى» دەپ ايىپ تاعىلعان. ولاردىڭ ورىنداۋشىلارى دا ءىستى بولدى، اباقتىعا قامالدى.
جۇسىپبەك ەلەبەكوۆتىڭ ءوزى 37- جىلعى دۇربەلەڭدە ازەر امان قالعان. «قانات تالدى» دەگەن «سوتتالعان» ءاندى ورىنداعانى ءۇشىن ايىپ تاعىلعان. شولاق بەلسەندىلەر وعان دا ءتيىسىپ «مىنا جاسامپاز زاماندا قانات نەگە تالادى؟ سەن كوممۋنيستىك زاماننىڭ قاناتى تالدى دەپ وتىرسىڭ» دەپ تيىسكەن. ءسوزىن قازاق دراما تەاترىنىڭ ديرەكتورى ورىنبەك بەكوۆكە قايتا جازدىرعانىمەن، ءان زارلى ەسكى نۇسقادا ايتىلىپ قالىپ ءجۇردى. سول ءان «سوتتالعاننان» كەيىن، 1956 -جىلعا دەيىن ورىندالماي كەلگەن».
ساياساتكەر، تاريحشى ساعات ءجۇسىپتىڭ «اشارشىلىق اقيقاتى» كىتابىنان ءۇزىندى. ءانشى ەرلان تولەۋتايدىڭ سۇحباتى.
www.bmtv.kz
