شەتەلدە تۇراتىن قانداستارىمىزدىڭ قاتىسۋىمەن حالىقارالىق ونەر فەستيۆالى وتەدى
فەستيۆال اياسىندا اقىندار ءمۇشايراسى، تەرمەشىلەر سايىسى جانە سۋرەتشىلەر كورمەسى ۇيىمداستىرىلادى. سايىس قورىتىندىسى بويىنشا جەڭىمپازدار ديپلوم، العىسحاتتار جانە اقشالاي سىيلىقتارمەن ماراپاتتالاتىن بولادى.
اتالعان شاراعا ق ر پارلامەنتى ءماجىلىسىنىڭ دەپۋتاتتارى، زيالى قاۋىم وكىلدەرى، ونەر مايتالماندارى جانە الىس- جاقىن 20 دان استام شەت ەلدەن قازاق دياسپوراسى وكىلدەرى، مادەني ورتالىقتارىنىڭ جەتەكشىلەرى جانە ونەرلى جاستارى ارنايى شاقىرىلادى.
وتەتىن ورنى:
استانا قالاسى قازاق گۋمانيتارلىق زاڭ ۋنيۆەرسيتەتىنىڭ كونسەرت زالى
29 - قازان. باستالۋى ساعات 14-00
30 - قازان. گالا كونسەرت باستالۋى ساعات 16-00
ال، بايقاۋدىڭ ماقساتى مەن شارتتارىن بىلمەك بولساڭىز:
بايقاۋدىڭ ماقساتى:
- قازاق حاندىعىنىڭ 550 جىلدىعىن مەرەكەلەۋدىڭ ءمانى مەن بۇگىنگى تاڭداعى تاريحي ماڭىزىن اشۋ؛
- جاستاردى ۇلتتىق قۇندىلىقتار رۋحىنا سايكەس قازاقستاندىق پاتريوتيزمگە، وتانسۇيگىشتىككە تاربيەلەۋ؛
- ەل مەن جەردىڭ تاريحىنا، ۇلتىمىزدىڭ ءجۇرىپ وتكەن جولىنا قۇرمەتپەن قاراۋ سەزىمىن قالىپتاستىرۋ؛
- وسكەلەڭ ۇرپاقتىڭ بويىنا ۇلتتىق رۋحتى ءسىڭىرۋ، تاۋەلسىزدىك تاعىلىمدارىن تەرەڭ سەزىنۋ، ەلدىك ماسەلەلەرگە سەرگەك قاراۋ قاسيەتتەرىن ارتتىرۋ؛
- قازاق حالقىنىڭ مادەنيەتى مەن سالتىن ناسيحاتتاۋ؛
- «ماڭگىلىك ەل» ۇلتتىق يدەياسىن ناسيحاتتاۋ؛
- شەتەلدەگى دارىندى قازاق جاستارىنىڭ بەينەلەۋ ونەرى تۇرلەرىن مەڭگەرۋدەگى شىعارماشىلىق شەبەرلىگىن ناسيحاتتاۋ.
ءمۇشايرا، تەرمە جانە كورمە سايىستارىنا قاتىسۋ شارتتارى:
- قاتىسۋشىلاردىڭ جاس مولشەرى 20-35 جاس ارالىعىندا بولۋعا ءتيىس؛
- ءمۇشايرا، تەرمە جانە كورمە سايىستارىنا قاتىسۋشى شىعارماشىلىق وكىلدەرى شەتەلدە تۇراتىن وتانداستارىمىزدىڭ اراسىنان بولۋعا ءتيىس؛
- اۆتوردىڭ ءمۇشايراعا جانە كورمەگە جولداعان شىعارماسى بۇرىن ەش جەردە جاريالانباعان بولۋى كەرەك.
ءمۇشايرا تالاپتارى:
ءبىرىنشى ولەڭ - قازاق حاندىعىنىڭ تاريحى، تاريحي تۇلعالار بەينەسى، ەلدىك ماسەلەلەر تاقىرىبىندا بولۋى كەرەك (3-5 مينۋت)؛ - مىندەتتى.
ەكىنشى ولەڭ - شەتەلدەگى قانداستار تاعدىرى مەن كوشى- قون تۋرالى(3-5 مينۋت) - مىندەتتى.
ءۇشىنشى ولەڭ - ەركىن تاقىرىپتاعى ولەڭ (3-5 مينۋت) - قاجەتتىلىگىنە وراي.
تەرمە سايىسى تالاپتارى:
1 - شىعارما - ەلدىككە شاقىراتىن، بىرلىككە باستايتىن ەلجاندىلىق باعىتتاعى تەرمەلەردەن تاقىرىپقا ساي ءبىر شىعارما ورىنداۋ (3-5 مينۋت)؛
2 - شىعارما - ەركىن تاقىرىپتا تەرمە ورىنداۋ (3-5 مينۋت).
كورمە تالاپتارى:
1 - تاقىرىپ بويىنشا كەسكىندەمەشىعارما كولەمى 100*150 س م. -دەن كەم نەمەسە اسپاۋى ءتيىس (ماتەريالدارى: مايلى بوياۋ، گۋاش، اكۆارەل، كەنەپ، كارتون، اق قاعاز).
2 - تاقىرىپ بويىنشا گرافيكالىق شىعارما كولەمى 40*90 س م. (ماتەريالدارى: وفورت، لينوگراۆيۋرا، ليتوگرافيا، ت. ب. ) كوركەمدىك دەڭگەيى تالاپقا ساي، تاقىرىپقا مەيلىنشە لايىق بولۋى ءتيىس.
ءاربىر اۆتوردىڭ كوركەم شىعارماسى تالاپقا ساي بەزەندىرىلىپ (باگەت)، سانى 5-7 دەن اسپاۋى كەرەك.
جەڭىمپازداردى ماراپاتتاۋ ءار سايىس بويىنشا:
«باس جۇلدە» - بىرەۋ - 200000 (ەكى ءجۇز مىڭ) تەڭگە.
I ورىن - ەكەۋ - 150000 (ءجۇز ەلۋ مىڭ) تەڭگەدەن.
Ⅱورىن - ەكەۋ- 120000 (ءجۇز جيىرما مىڭ) تەڭگەدەن.
Ⅲورىن - ەكەۋ - 80000 (سەكسەن مىڭ) تەڭگەدەن.
ىنتالاندىرۋ سىيلىعى - ۇشەۋ- 60000 (الپىس مىڭ) تەڭگەدەن.
وتىنىشتەر 2015 - جىلدىڭ قازان ايىنىڭ 20 - جۇلدىزىنا دەيىن قابىلدانادى:
ءتولقۇجاتىنىڭ كوشىرمەسى؛
شىعارماشىلىق ءومىربايانى؛
10*15 كولەمدەگى 1 ءتۇرلى- ءتۇستى فوتوسۋرەت؛
ەكى كەزەڭدە ورىندايتىن شىعارمالاردىڭ ءتىزىمى.
مەكەنجايىمىز:
استانا قالاسى، رىسقۇلبەكوۆ كوش. , 16/3 ءۇي، 203 پ.
ۇيالى تەلەفون: 877472048835
ەل. پوشتا: festivalkaz@mail.ru
