دامىعان قۋاتتى مەملەكەتتىڭ ەڭ باستى بايلىعى - بالالار - ز. باليەۆا
«بۇگىندە قازاقستاندا 4 ميلليوننان استام وتباسى بار جانە وسى وتباسىلاردا 5 ميلليوننان استام بالا تاربيەلەنۋدە. بۇل رەسپۋبليكا حالقىنىڭ ۇشتەن ءبىر بولىگى دەگەن ءسوز. 5 ميلليون بالانىڭ ءار بىرەۋى ءوز ءومىرىنىڭ قورعالۋىنا، ار-نامىسىنا تيىسپەۋشىلىككە، الەۋمەتتىك ورتانىڭ جاعىمسىز اسەرلەرىنەن قورعانۋعا، دەنساۋلىعىن ساقتاۋعا، رۋحاني-ادامگەرشىلىك دامۋىنا قۇقىعى بار. سوڭعى جىلدارى وتباسى مەن بالا-شاعاسىنىڭ الدىندا جاۋاپكەرشىلىكتى سەزىنبەيتىن اتا- انالار كوبەيدى. وكىنىشكە قاراي قازىردە 5 ميلليون بالانىڭ 31 مىڭنان استامى جەتىم جانە اتا-اناسىنىڭ قامقورلىعىنسىز قالعان بالالار بولسا، ال مۇمكىندىگى شەكتەۋلى بالالار سانى 41 مىڭنان اسادى. وسى بالالارعا قول ۇشىن سوزۋ بارلىعىمىزدىڭ ورتاق مىندەتىمىز»، دەدى ول ءوز سوزىندە.
ونىڭ ايتۋىنشا، بۇگىنگى جيىن قازاقستاندىق بىرتەكتىلىك پەن ۇلتتىق بىرلىكتى نىعايتۋدىڭ ىرگەتاسى رەتىندە وتباسىلىق قۇندىلىقتاردى ساقتاپ، نىعايتۋعا مۇمكىندىك بەرەدى.
«انالار كەڭەسىنىڭ ءوتىلۋى قايىرىمدىلىق ماقساتىمەن كوپ بالالى، جالعىزىلىكتى انالارعا، جەتىم بالالارعا، مۇگەدەكتەرگە، باسقا دا پاناسىز ادامدارعا مورالدىق جانە ماتەريالدىق كومەك كورسەتەدى. تۇراقتىلىقتى نىعايتىپ، وتباسى قۇندىلىقتارىن ساقتاۋعا باعىتتالعان وسىنداي ءىس- شارالاردى الداعى ۋاقىتتا دا وتكىزۋ دۇرىس دەپ ەسەپتەيمىن. بۇگىندە وسكەلەڭ ۇرپاقتىڭ تاربيەسىنە، ولاردىڭ بويىندا توزىمدىلىك، ءوز وتانىنا دەگەن پاتريوتيزم مەن ماقتانىش سەزىمدەرىن قالىپتاستىرۋعا جاۋاپتى انالار كەڭەسى دە حالىق بىرلىگىن نىعايتۋعا ەلەۋلى ۇلەسىن قوسىپ وتىر. ءبىز، ايەلدەر، وتباسى وشاعىن ساقتاۋشىلار رەتىندە مەملەكەتتىڭ تاۋەلسىزدىگىنە، ءار ۇيدە تىنىشتىق پەن كەلىسىمنىڭ، وتباسىنىڭ نىعايۋىنا جاۋاپكەرشىلىكتى سەزىنۋىمىز كەرەك. سول سەبەپتى ەلىمىزدىڭ بىرلىگى وتباسىنىڭ تىنىشتىعىنا بايلانىستى»، دەدى ز. باليەۆا.
ايتا كەتەيىك، قازاقستان حالقى اسسامبلەياسىنىڭ رەسپۋبليكالىق انالار كەڭەسى 2010 -جىلى قۇرىلدى. بۇگىنگى ەكىنشى وتىرىسقا 823 وڭىرلىك انالار كەڭەسىنىڭ وكىلدەرى جينالىپ وتىر.
Baq.kz
