سەۋلدە قازاق مادەنيەتى مەن ىنتىماقتاستىق ورتالىعى قۇرىلادى
ساپار بارىسىندا قحا دەلەگاتسياسىنىڭ ۇلتتىق اسسامبلەيا (پارلامەنت) دەپۋتاتى شين سۋنگ بوم مىرزامەن جانە كورەيانىڭ جەتەكشى جوعارى وقۋ ورىندارىنىڭ ءبىرى - كونگۋك ۋنيۆەرسيتەتىنىڭ باسشىلىعىمەن كەزدەسۋ بولىپ، وندا سەۋل قالاسىندا قازاق مادەنيەتى مەن ىنتىماقتاستىعى ورتالىعىن قۇرۋ ماسەلەلەرى تالقىلاندى.
تاراپتار بۇل ورتالىقتىڭ كونگۋك ۋنيۆەرسيتەتىنىڭ بازاسىندا قۇرىلىپ، جۇمىس ىستەۋى تۋرالى پىكىر الماستى. ە. توعجانوۆ شەت تىلدەرى ۋنيۆەرسيتەتىنىڭ (HUFS، ەنين قالاسى) ستۋدەنتتەرى مەن وقىتۋشى-پروفەسسورلار قۇرامىنا ارناپ، «قازاقستان حالقى اسسامبلەياسى - بەيبىتشىلىك پەن دوستىق قىزمەتىندەگى 20 جىل» تاقىرىبىندا ءدارىس وقىدى.
ە. توعجانوۆتىڭ دۇنيەجۇزىلىك «KBS World - Radio» راديوسىنا بەرگەن سۇحباتى ن. نازاربايەۆتىڭ قوعامدىق كەلىسىم مەن بىرلىك مودەلىن ىلگەرىلەتۋدەگى ق ح ا- نىڭ رولىنە كورەي قاۋىمداستىعىنىڭ قىزىعۋشىلىعىن تۋدىردى. ساپار بارىسىندا دەلەگاتسيا مۇشەلەرى كورەيا رەسپۋبليكاسى ۇلتتىق اسسامبلەياسىنىڭ «سەنۋري» بيلەۋشى پارتياسىنان سايلانعان جاسمين لي حانىممەن كەلىسسوز جۇرگىزدى.
دەپۋتات قازاقستاندا ەتنوسارالىق قاتىناستاردى دامىتۋداعى ق ح ا- نىڭ تاجىريبەسىنە، نۇرسۇلتان نازاربايەۆ مودەلىنىڭ قالىپتاسۋ مەن دامۋىنا ۇلكەن قىزىعۋشىلىق تانىتتى. جاسمين لي حانىم قحا سياقتى ۇيىم قىزمەتىنىڭ ەرەكشەلىگىن اتاپ كورسەتە وتىرىپ، بىرەگەي تاجىريبەنى كورەيا رەسپۋبليكاسىندا ەنگىزۋ قاجەتتىگى تۋرالى پىكىرىن ءبىلدىردى. جاسمين لي حانىم قازاقستانداعى كوپ ەتنوستى قوعام تۋرالى كوبىرەك تانىپ- ءبىلۋى ءۇشىن قازاقستان حالقى اسسامبلەياسى ءتوراعاسىنىڭ ورىنباسارى - قر پرەزيدەنتى اكىمشىلىگىنىڭ حاتشىلىق مەڭگەرۋشىسى ەرالى توعجانوۆ ونى قازاقستانعا كەلىپ كەتۋگە شاقىردى.
سونداي-اق، دەلەگاتسيا مۇشەلەرىنىڭ كورەيادا ءبىلىم الىپ جاتقان قازاقستاندىق ستۋدەنتتەرمەن كەزدەسۋى بولدى. كەزدەسۋ بارىسىندا كورەيانىڭ جەتەكشى ۋنيۆەرسيتەتتەرىنىڭ ستۋدەنتتەرى مەن ماگيسترانتتارى ق ح ا قىزمەتى، ەتنومادەني بىرلەستىكتەر تۋرالى سۇراقتار قويىپ، وزدەرىنىڭ كورەياداعى وقۋلارى مەن ستۋدەنتتىك ومىرلەرىندە قول جەتكىزگەن تابىستارى تۋرالى ايتتى.
كورەيا تەحنولوگيالار جانە زەرتتەۋلەر ينستيتۋتىنىڭ ق ح ا دەلەگاتسياسىنا ارنالعان تانىستىرىلىمى دا جەمىستى فورماتتا ءوتتى. ساپار بارىسىندا دەلەگاتسيا مۇشەلەرى كورەيامەن ءوزارا قۇرمەت پەن سەنىمگە نەگىزدەلگەن دوستىق جانە تاتۋ كورشىلىك قاتىناستاردى دامىتۋ بەيبىتشىلىك پەن تۇراقتىلىقتى نىعايتۋ، ەكى مەملەكەتتىڭ بۇدان ءارى ستراتەگيالىق سەرىكتەستىكتە بولۋى ءۇشىن جاڭا مۇمكىندىكتەر اشاتىنىنا تاعى دا كوز جەتكىزدى.
