قازاقستاندىق ينجەنەرلەر ەۋرووداق ەلدەرىندە ەركىن جۇمىسقا ورنالاسۋ مۇمكىندىگىنە يە بولدى
بۇل تۋرالى ءال-فارابي اتىنداعى قازاق ۇلتتىق ۋنيۆەرسيتەتىنىڭ باسپا ءسوز قىزمەتىنەن حابارلادى.
«قازاقستاننىڭ ينجەنەرلىك ءبىلىم بەرۋ قوعامىنىڭ «FEANI»- گە تولىق قۇقىلى مۇشە بولۋى جاراتىلىستانۋ، ينجينيرينگ جانە تەحنولوگيا سالاسىنداعى ماماندارعا بىلىكتىلىگىن ارتتىرۋعا، ينجەنەرلىك كارتا (Engineering Card) مەن ەۋروپالىق سەرتيفيكات الۋعا جانە ەڭ باستىسى - ەۋروپالىق ينجەنەرلەر تىزىمىنە (EurEng) قوسىلۋعا جول اشادى. ال بۇل، وتاندىق ينجەنەرلەرگە الداعى ۋاقىتتا ەۋروپالىق وداققا مۇشە ەلدەردە ەركىن جۇمىسقا ورنالاسۋعا مۇمكىندىك بەرەدى»، - دەدى وسىعان وراي قازاقستاننىڭ ينجەنەرلىك ءبىلىم بەرۋ قوعامىنىڭ پرەزيدەنتى، ءال-فارابي اتىنداعى قازۇۋ رەكتورى، اكادەميك عالىم مۇتانوۆ.
ايتا كەتەلىك، قازاقستاننىڭ ينجەنەرلىك ءبىلىم بەرۋ قوعامى (KazSEE) 2007-جىلى قۇرىلعان بولاتىن.
ونىڭ ەۋروپا ۇلتتىق ينجەنەرلىك قوعامدارى فەدەراتسياسىنا تولىق مۇشە بولىپ قابىلدانۋى سونىمەن قاتار، حالىقارالىق سەرتيفيكاتتارعا يە ينجەنەرلىك ءبىلىم بەرۋدە جانە زاماناۋي تەحنيكالىق ماماندار دايىنداۋدا، ەلباسىنىڭ «قازاقستان-2050» ستراتەگياسىن جۇزەگە اسىرۋدا وڭ ناتيجە بەرەتىندىگى ءسوزسىز.
1951-جىلى قۇرىلعان «FEANI» قازىرگى تاڭدا ەۋروپاداعى بەدەلدى كاسىبي بىرلەستىكتەردىڭ ءبىرى بولىپ سانالادى. «FEANI» - دۇنيەجۇزىلىك ينجەنەرلىك ۇيىمدار فەدەراتسياسىنىڭ (WFEO) نەگىزىن قالاۋشى ۇيىم.
ونىڭ يۋنەسكو- عا، ب ۇ ۇ جانىنان قۇرىلعان ءوندىرىستى دامىتۋ جونىندەگى ۇيىمعا جانە ەۋروپا كەڭەسىنە اقىل-كەڭەس بەرۋشى مارتەبەگە يە.
كاسىبي بىرلەستىككە ءار ەلدەن ءبىر عانا ۇيىم مۇشە بولا الادى. ول سول ەلدىڭ بارلىق ينجەنەرلىك بىرلەستىكتەرىنىڭ مۇددەسىنە جۇمىس جاساۋى شارت.
«FEANI» بۇگىندە 350 گە جۋىق عىلىمي جانە ينجەنەرلىك ۇيىمداردى جانە ەۋروپانىڭ 32 ەلىنەن 4 ميلليون كاسىبي ينجەنەردى بىرىكتىرەدى.
اۆتور: جاپپاربەرگەن ايبوتا
