قىتاي بيرجاسى جىبەك جولى ەلدەرى ءۇشىن پلاتفورما اشادى
ول ەلدە جاڭا جىبەك جولى بەلدەۋى ەلدەرىمەن ساۋدا-ساتتىققا جول اشادى، دەپ مالىمدەدى بيرجا باسشىسى يان دۋنشەن.
قىتاي 2013-جىلى ينفراقۇرىلىمدى قۇرۋعا جانە ەۋرازيا ەلدەرى اراسىنداعى ءوزارا بايلانىستى رەتتەۋگە باعىتتالعان جاڭا «ءبىر بەلدەۋ، ءبىر جول» ەكونوميكالىق دامۋ ستراتەگياسىن جاريالاعان. ستراتەگيا ەكى نەگىزگى دامۋ باعىتىن كوزدەيدى، اتاپ ايتقاندا: جىبەك جولىنىڭ ەكونوميكالىق بەلدەۋى جانە تەڭىزدىك جىبەك جولى.
ەسكە سالساق، 30- تامىز - 3- قىركۇيەكتەگى ق ر پرەزيدەنتى ن. نازاربايەۆتىڭ ق ح ر- عا مەملەكەتتىك ساپارى بارىسىندا قازاقستاننىڭ «نۇرلى جول» جاڭا ەكونوميكالىق ساياساتى مەن قىتايدىڭ «ءبىر بەلدەۋ، ءبىر جول» باستاماسىنىڭ تاجىريبەلىك ءتۇيىسۋ كەزەڭى تالقىلانعان.
قازىرگى ۋاقىتتا قىتاي ۇكىمەتى حالىقارالىق ينۆەستورلار ءۇشىن ەل نارىعىن بىرتىندەپ اشۋ ساياساتىن جۇرگىزۋدە.
