اق ساۋىتتى ايداربەك باتىردىڭ ەڭسەلى ەسكەرتكىشى ورناتىلدى

قىزىلوردا. قازاقپارات - قازاق حاندىعىنىڭ 550 جىلدىعىنا وراي ХVІ-ХVІІ عاسىرلاردا ارال، قازالى وڭىرلەرىندە ءومىر كەشىپ، جوڭعار، قوقان، حيۋا باسقىنشىلارىنا قارسى ۇلت-ازاتتىعى جولىندا كۇرەسكەن اق ساۋىتتى ايداربەك باتىردى ۇلىقتاۋ ماقساتىندا بابا ۇرپاقتارىنىڭ باستاماسىمەن، «ايداربەك -بابا» قوعامدىق قورىنىڭ قولداۋىمەن قازالى اۋدانىنداعى جەرلەنگەن قابىرىنىڭ باسىنا 2014-جىلى ءزاۋلىم كەسەنە تۇرعىزىلعان ەدى.

ال بيىل ارال قالاسىنا كىرەبەرىس جولدا جاس ۇرپاقتىڭ بويىنا وتانشىلدىق، ەلدىك رۋحتى سىڭىرەتىن، تاعزىم ەتەتىن باتىر بابانىڭ ەڭسەلى ەسكەرتكىشى ورناتىلدى. ەندى الداعى 23-26- قىركۇيەك كۇندەرى اتالعان ەسكەرتكىشتىڭ اشىلۋى مەن بابا رۋحىنا اس بەرۋ ءراسىمى وتەدى.

سونداي-اق بەلگىلى انشىلەر، قازاقستان رەسپۋبليكاسىنىڭ ەڭبەك سىڭىرگەن ءارتىسى عانيپا سادىقوۆا، تەرمەشى امانقوس سادىقوۆ، تورەعالي تورەالى جانە باسقالاردىڭ قاتىسۋىمەن ورتالىق الاڭدا گالا-كونسەرت وتەدى.  

25- قىركۇيەكتە ساعات 16.00 دە اۋداندىق مادەنيەت ۇيىندە «جىر ارقاۋى - ايداربەك باتىر» اتتى وبلىستىق جاس اقىندار ءمۇشايراسى ۇيىمداستىرىلادى. 26- قىركۇيەك، ساعات 10.00 دە ايداربەك بابا ەسكەرتكىشىنىڭ اشىلۋ سالتاناتى وتەدى. مۇنان سوڭ «سايقۇدىق» يپپودرومىندا بابا رۋحىنا باعىشتالىپ اس بەرىلەدى.  

مەرەكەلىك شارا بارىسىندا الامان، قۇنان بايگە بولادى. باس بايگەگە جەڭىل اۆتوكولىك جانە اقشالاي-زاتتاي سىيلىقتار تىگىلەدى، دەپ حابارلايدى قازالى اۋدانى اكىمىنىڭ باسپا ءسوز قىزمەتىنەن.

اۆتور: ەلۋباي اۋەزوۆ