ۇلى دالا ەلى ەكسپەديتسياسىنىڭ ەستافەتاسى سەمەيگە كەلدى - فوتو
پاۆلوداردان باستاۋ العان ەستافەتا قوناقتارىن قالانىڭ كىرەبەرىسىندە ش ق و بويىنشا ق ح ا ءتوراعاسىنىڭ ورىنباسارى ەركىمبەك ايازبايەۆ باستاعان قازاقستان حالقى اسسامبلەياسىنىڭ مۇشەلەرى قارسى الدى.
بۇدان بۇرىن حابارلانعانداي، قازاقستان حالقى اسسامبلەياسى قازاق حاندىعىنىڭ 550 جىلدىعىنا ارنالعان «ۇلى دالا ەلى» تاريحي- مادەني ەكسپەديتسياسىنا باستاماشى بولدى. ۇلىسارالىق تاعاتتىلىق پەن قوعامدىق كەلىسىمنىڭ قازاقستاندىق مودەلىن ناسيحاتتاۋ جونىندەگى تاريحي رەسپۋبليكالىق لەكتوريدىڭ جولباعىتى جاسالدى. قازاقستاننىڭ ءۇش قالاسىنان - استانا، اقتاۋ جانە پاۆلوداردان باستاۋ العان بىرنەشە توپ بۇكىل ەلدى ارالاپ، ساپارىن 9 -قازانعا دەيىن جالعاستىرادى.
پاۆلودار وبلىسى ق ح ا ءتوراعاسىنىڭ ورىنباسارى سەيسەنباي جەتپىسبايەۆتىڭ ايتۋىنشا، پاۆلوداردا ەستافەتا دوستىق ءۇيى جانىنان جولعا شىققان.
«ءبىر اپتا ىشىندە، 11 -قىركۇيەكتەن باستاپ ءبىزدىڭ عالىم- تاريحشىلارىمىز، مادەنيەت، مۇراجاي، قىزمەتكەرلەرى، قوعامدىق جانە ەتنومادەني ورتالىقتاردىڭ وكىلدەرى وبلىستىڭ كوپتەگەن تاريحي ورىندارىندا بولدى. ولاردىڭ زەرتتەگەن دەرەكتەرى ەكسپەديتسيانىڭ ارنايى كۇندەلىگىنە جازىلىپ وتىرىلدى. ەكسپەديتسياعا قاتىسۋشىلار باياناۋىل اۋدانىنىڭ تاريحي ورىندارىنا باسا كوڭىل ءبولدى، بۇل ءوڭىر بايان جانە جاسىباي سياقتى باتىرلاردىڭ ەسىمدەرىمەن تىعىز بايلانىستى. سونداي- اق وسى وڭىردە كوپتەگەن اتاقتى عالىمدار، جازۋشىلار، قوعام قايراتكەرلەرى دۇنيەگە كەلگەن. «قازاقستان ەنتسيكلوپەدياسى» بولاشاق اۋقىمدى ينتەرنەت- جوباسىنا قاتىستى كوپتەگەن قىزىقتى دەرەكتەر ماي جانە اقتوعاي اۋداندارىنان، ەكىباستۇزدان جينالدى»، - دەدى س. جەتپىسبايەۆ.
ەندى ەكسپەديتسيا ش ق و بويىنشا جولىن ودان ءارى جالعاستىرادى. وعان قاتىسۋشىلار وسكەمەندە، اياگوز اۋدانىنىڭ ەلدى مەكەندەرىندە بولىپ، 24 -قىركۇيەكتە ءۇشارالدا الماتى وبلىسىنىڭ دەلەگاتسياسىنا ەستافەتانى تاپسىرادى.
ەسكە سالا كەتەيىك، رەسپۋبليكالىق تاريحي- مادەني «ۇلى دالا ەلى» ەكسپەديتسياسى ءوز جۇمىسىن 9 -قازاندا تاراز قالاسىندا وتەتىن قازاق حاندىعىنىڭ 550 جىلدىعىنا ارنالعان جالپى رەسپۋبليكالىق مەرەكەگە اياقتايدى. شىعىس قازاقستان بۇل وقيعاعا ارناپ، تەاتر سپەكتاكلدەرىن، وسكەمەن مەن سەمەي مۇراجايلارىنىڭ ماتەريالدارىن، ابايدىڭ ادەبي- مەموريالدىق مۇراجايىنىڭ جادىگەرلىكتەرىن جانە رەسپۋبليكالىق ەكسپەديتسيا بولعان ەلدى مەكەندەردەن تاپقان دەرەكتەردى ازىرلەيدى.
