قىتاي ق ر پرەمەر- ءمينيسترى ك. ءماسىموۆتىڭ ساپارىن كۇتۋدە
«ءبىز قازىرگى ۋاقىتتا كوپتەگەن كەلىسىمدەرگە قول جەتكىزدىك. وندىرىستىك قۋات بويىنشا بيىل 40 ميلليارد دوللارعا بىرلەسكەن جوبالار باستالدى.
بۇرىن- سوڭدى ەشبىر ەلدەر اراسىندا بولماعان، بۇل تەك قازاقستان مەن قىتاي اراسىندا ورىن الۋدا. بۇل ءبىزدىڭ ءوزارا قارىم- قاتىناسىمىزدىڭ ماڭىزدىلىعىن بىلدىرەدى. ءبىز جاقىن ارادا سىزدەردىڭ پرەمەر- مينيسترلەرىڭىزدىڭ ءبىزدىڭ ەلگە رەسمي ساپارىن كۇتۋدەمىز. ءبىز ول ساپارعا دايىندالۋدامىز. اتالعان ساپار بارىسىندا ءبىز تاعى دا جەمىستى جۇمىستار اتقارىپ، ءبىرقاتار ماڭىزدى قۇجاتتارعا قول قويامىز دەپ جوسپارلاپ وتىرمىز. مەن بۇل سومانى 50 ميلليارد تەڭگەگە دەيىن كوتەرەمىز دەپ سەنەمىن. وزگە ەلدەر بىزگە قىزىعا قارايدى»، - دەپ اتاپ ءوتتى ول.
ەلشى فورۋم بارىسىندا ەكى ەل بايلانىسىنا كەدەرگى كەلتىرەتىن ءبىرقاتار قيىندىقتارعا دا توقتالا كەتتى. ونىڭ ويىنشا، ءبىرىنشى كەزەكتە بۇل كەدەرگىلەر ۆيزا راسىمدەۋدىڭ قيىنشىلىقتارىنا بايلانىستى.
«ماۋسىم ايىندا ءبىز نۇرسۇلتان نازاربايەۆتىڭ بەيبىت يدەيالارى فورۋمىن وتكىزدىك. قىتاي ەلشىلىگىنىڭ اتىنان ازيا ەلدەرىنىڭ عالىمدارىن، ساياسي قايراتكەرلەرىن شاقىرتتىق. ءبىراق ۆيزا ءۇشىن ولاردىڭ كوبى كەلە المادى. ءبىز كامبودجا حانزاداسىنا دا شاقىرتۋ جولدادىق. ول ارنايى ۆيزا راسىمدەۋ ءۇشىن بەيجىڭگە كەلگەن، الايدا سوندا دا رۇقسات الا المادى. ءبىزدىڭ باسشىلىق ۆيزا ءراسىمىن جەڭىلدەتۋ بويىنشا ءىس- شارالار جوسپارىن بەكىتتى، دەگەنمەن جاعداي ءالى وڭالعان جوق»، - دەيدى جان حانحۋەي.
اۆتور: جاسۇلان جولدىبايەۆ
