شەتەلدە تۇراتىن قازاق گۋبەرناتور بولىپ سايلاندى

استانا. قازاقپارات - ەتنيكالىق قازاق امان تولەيەۆ رەسەيدىڭ كەمەروۆ وبلىسىنىڭ گۋبەرناتورى بولىپ سايلاندى. ەلەكتوراتتىڭ 96,7 پايىز داۋىسىن جيناپ، رەكورد جاڭارتقان ساياساتكەر ءوزىنىڭ 4 قارسىلاسىن شاڭ قاپتىرعان.

تولەيەۆ ءۇشىن بۇل گۋبەرناتورلىق مەرزىم بەسىنشى، ول ءۇش رەت سايلاۋ ارقىلى، ەكى رەت پرەزيدەنتتىك تاعايىنداۋمەن اتالمىش قىزمەتكە لايىقتى دەپ تابىلعان بولاتىن.

تولەيەۆ باستامالارىنىڭ ارقاسىندا كەمەروۆ وبلىسى «بالالار ۋاقىتى تۋرالى» زاڭنىڭ قابىلدانۋىنا مۇرىندىق بولدى، روجدەستۆو مەرەكەسىن العاشقىلاردىڭ ءبىرى بولىپ دەمالىس كۇنى رەتىندە جاريالادى، شەتەلدىكتەردىڭ جەتىم بالالاردى اسىراپ الۋىنا قارسى زاڭ شىعاردى. بۇل باستامالاردىڭ بارلىعى ارتىنشا بۇكىل رەسەيلىك سيپات الدى. امان تولەيەۆ 90- جىلدارى رەسەي پرەزيدەنتتىگىنە دە ۇمىتكەر بولعان ازامات.

«31-ارنا»