مەككەدە قۇلاعان كوتەرگىش- كران يەسى بەن لادەن كومپانيالارىنا سانكسيا سالىندى
دەپ حابارلادى «بي-بي-سي» اگەنتتىگى.
بۇل شەشىم مەككەدەگى ال- حارام مەشىتىندەگى كوتەرگىش- كراننىڭ قۇلاۋىنا بايلانىستى شىعارىلدى. وقيعا سالدارىنان 100 دەن استام ادام قازا تاپتى.
الەمدەگى باستى جانە ەڭ ءىرى مەشىتتى قايتا جاڭارتۋ، كەڭەيتۋ جۇمىستارىن Saudi Binladin Group كومپانياسى جۇرگىزگەنى تۋرالى بۇعان دەيىن حابارلانعان بولاتىن.
جەرگىلىكتى ب ا ق- قا سۇيەنسەك، ساۋد ارابياسىنىڭ كورولدىك سوتى سەيسەنبىدە كومپانياعا تەرگەۋ اياقتالعانعا دەيىن جاڭا كەلىسىمشارتتارعا قول قويۋعا تىيىم سالدى. بۇدان باسقا، سوت ەلدىڭ قارجى مينيسترلىگىنە كومپانيانىڭ بارلىق جوبالارىنا اۋديت جۇرگىزۋگە نۇسقاما بەرىپ، بەن لادەن اۋلەتىنىڭ كەي مۇشەلەرىنەن ەلدەن سىرتقا شىقپاۋ تۋرالى قولحات الدى.
سونداي- اق، سوت زارداپ شەككەن وتباسىلارعا 1 ميلليون ريال (270 مىڭ دوللارعا جۋىق) وتەماقى تولەۋگە قاۋلى ەتتى.
