رەسەيلىك اكتەر سەرگەي سۆەتلاكوۆ قازاقتاردى «ەڭ بوسپە حالىق» دەپ اتادى
بۇل تۋرالى «قامشى» پورتالى حابارلايدى.
رەسەيلىك شوۋمەن الداعى ۋاقىتتاردا قازاقستانعا كوشىپ كەلۋگە نيەتتى ەكەندىگىن ايتقان. ونىڭ ويىنشا، جاھاندىق داعدارىس قازاقستاندا الدەقايدا جۇمساق وتۋدە.
ايتپاقشى، رەسەيلىك جۇلدىزدىڭ الماتى قالاسىندا جەكە مەيرامحاناسى بار ەكەنىن ايتا وتىرىپ، قازاقستاندىقتارعا «جاڭا ءومىر باستاۋ كەرەك»، - دەپ كەڭەسىن بەرگەن. ول مۇنداي پىكىرىن الماتىدا وتكەن جۋرناليستەرمەن كەزدەسۋ بارىسىندا ايتقان.
«قازاقتان ءۇيىن تارتىپ الىپ، جۇمىستان قۋساڭ نە ىستەيدى؟ ءبىرىنشى كەزەكتە ول بارىپ، ەڭ قىمبات كولىكتى ساتىپ الادى. ەڭ بوسپە حالىق - قازاقتار»، - دەيدى رەسەيلىك جۇلدىز سەرگەي سۆەتلاكوۆ.
شوۋمەن الماتىداعى مەيرامحاناسىندا ەڭ كوبى 18 مىڭ دوللارعا تاماقتانعاندار دا تابىلعانىن جاسىرماعان.
جۋرناليستەردىڭ «قازاقستاندىق داستۇرلەردىڭ قايسىسى سىزگە ۇنايدى» دەگەن سۇراعىنا جاۋاپ بەرگەن سۆەتلوكوۆ قازاقتار تۋرالى ويىن بىلايشا تۇجىرىمداعان ەكەن.
س. سۆەتلوكوۆ، رەسەيلىك شوۋمەن، رەستوراتور:
- بارىنشا كوسىلىپ ءومىر ءسۇرۋ. قازاق دەمالسا، مەنىڭ وزگە ۇلت وكىلدەرى اراسىنداعى دوستارىمنىڭ ءبىرى جاساي المايتىن مەرەكە ۇيىمداستىرادى. ماعان بۇل ۇنايدى، سەبەبى بۇل ادامداردىڭ اشىق، كوپشىلىككە ءوزىن جاريا ەتۋدى ارمانداي بىلەتىن حالىق ەكەنىن كورسەتەدى.
