اقتاۋدا «ۇلى دالا ەلى» رەسپۋبليكالىق ەكسپەديسياسى باستالدى - فوتو
«ەكسپەديسيا قۇرامىنا قازاقستان حالقى اسسامبلەياسىنىڭ جانە ماڭعىستاۋ وبلىسى بويىنشا «نۇر وتان» پارتياسى فيليالىنىڭ مۇشەلەرى، عالىمدار مەن ولكەتانۋشىلار، ايماقتىڭ ەتنومادەني بىرلەستىكتەرىنىڭ وكىلدەرى، جاستار كىردى.
ءۇش كۇن ىشىندە ولار قاراقيا، ءتۇپقاراعان جانە ماڭعىستاۋ اۋداندارىندا بولىپ، سيرەك كەزەسەتىن تاريحي ەسكەرتكىشتەر جانە ساۋلەت عيماراتتارى تۋرالى اقپاراتتار جينايدى. ولكەنىڭ تاريحي مۇرالارى تۋرالى جينالعان ماتەريالدار بىرەگەي كۇندەلىك- كىتاپقا كىرەدى، ونى قاتىسۋشىار بۇكىل باعدار بويى تولتىرىپ وتىرادى»، - دەدى ماڭعىستاۋ وبلىسى بويىنشا قازاقستان حالقى اسسامبلەياسىنىڭ حاتشىلىق مەڭگەرۋشىسى گۇلجان ەسمۇرزينا.
ەكسپەديتسيا ماڭعىستاۋدان باستاۋ الىپ، اتىراۋ، باتىس قازاقستان، اقتوبە، قىزىلوردا وبلىستارىنا جول تارتادى. باعداردىڭ سوڭعى نۇكتەسى وڭتۇستىك قازاقستان وبلىسى بولماق، ودان ءارى تاراز بەن مەركە قالالارىنادا بولادى.
15 - قىركۇيەكتە «ەكسپەديتسيا سيمۆولى» - كۇندەلىك- كىتاپ اتىراۋ وبلىسىنىڭ تۇرعىندارىنا تاپسىرىلادى.
