ۇزاقباي قارابالين مۇناي ارزانداعانىمەن، بەنزين نەلىكتەن قىمباتتاپ جاتقاندىعىن ءتۇسىندىردى

«الەمدە مۇناي باعاسىنىڭ تومەندەۋى مەن ونىڭ ءبىزدىڭ ىشكى نارىقتاعى مۇناي ونىمدەرىنە ىقپالىنا توقتالىپ وتەيىن. مۇناي باعاسىنىڭ تۇسۋىنە بايلانىستى، ارينە، مۇناي ونىمدەرىنە، سونداي- اق نەگىزىنەن بەنزين مەن ديزەل وتىنىنا ءبىز باعانى تومەندەتۋگە ءتيىستى ەكەنىمىز تۇسىنىكتى. الايدا، بۇل تۇرعىدا باسقا ماسەلەنىڭ اسەرى بار. اتاپ ايتقاندا، مۇناي ونىمدەرىنىڭ ۇشتەن ءبىر بولىگىن ءبىز نەگىزىنەن رەسەيدەن الامىز. وسى ورايدا رەسەيدە قازاقستانعا بەنزيندى جەتكىزەتىن ترەيدەرلەرىمىز مۇناي ونىمدەرىن جەكە قۇرىلىمداردان، زاۋىتتاردان كەلىسىمشارت بويىنشا ساتىپ الادى. كوتەرمە ساتىپ الۋلار شارتتار بويىنشا جۇزەگە اسىرىلادى جانە ونداعى باعانى ساتۋشى نارىقتىق جاعدايلار اياسىندا بەكىتەدى»، - دەدى ۇ. قارابالين.

وسى ورايدا ول بۇرىنعى باعامەن قازاقستانعا ەشقايسىلارى دا بەنزيندى جەتكىزە الماس ەدى، ياعني، كوبىسىنە بۇل بيزنەس ءتيىمسىز بولادى. ناتيجەسىندە وتىن تاپشىلىعى تۋىنداۋى ىقتيمال

ونىڭ سوزىنە قاراعاندا، ءبىزدىڭ جاقىن كورشىلەرىمىزگە قاراعاندا قازاقستاندا بەنزين قىمبات ەمەس. «بۇگىندە قىرعىزستانداعى باعا - 160 تەڭگە. قازىرگى كەزدە بىزدە رەسەيلىك باعامەن تەڭەسىپ قالدى. سوندىقتان جاقىندا قابىلدانعان شارانى دۇرىس دەپ ەسەپتەيمىز»، - دەدى ۇ. قارابالين.

 ەستەرىڭىزگە سالا كەتەيىك، قىركۇيەكتىڭ تورتىندە ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ ۇكىمەت اي-92/93 بەنزينى باعاسىن مەملەكەتتىك رەتتەۋدەن باس تارتقاندىعىن حابارلاعان بولاتىن. ب. ساعىنتايەۆتىڭ ايتۋىنشا، ۇكىمەت بەنزين تاپشىلىعىن بولدىرماس ءۇشىن اي-92/93 بەنزينى باعاسىنا مەملەكەتتىك رەتتەۋدەن باس تارتىپ وتىر.

 قازاقستان بۇرىندارى رەسەيدەن جەتپەيتىن بەنزيندى 97 تەڭگەدەن العان ەدى، ياعني 1 رۋبل - 2,95 تەڭگە باعامى بويىنشا. بۇگىندە تەڭگەنىڭ ەركىن باعامى اياسىندا بەنزين 120 تەڭگەدەن ساتىپ الىنىپ، 108 تەڭگەدەن ساتىلۋدا. «سايكەسىنشە، شىعىنمەن ەشكىم دە جۇمىس ىستەگىسى كەلمەيدى. ەگەر وسىلاي جالعاسسا، جاقىن ارادا، قىركۇيەكتىڭ اياعىنا قاراي بەنزين تاپشىلىعى تۋىندايدى»، - دەدى ول.

 ونىڭ سوزىنە قاراعاندا، ەلىمىزدەگى ءوندىرىس پەن تۇتىنۋ بالانسىندا اي-92/93 بەنزينىن ءۇش مۇناي زاۋىتىندا ءوندىرۋ كولەمى 2,1 ميلليون توننا، ال تۇتىنۋ دەڭگەيى 3,2 ميلليون توننانى قۇراپ وتىر. ياعني، 1,1 توننا كولەمىندە جەتىسپەۋشىلىك بار. بۇل قاجەتتىلىكتىڭ نەگىزگى كولەمى رەسەيدەن جەتكىزىلۋدە.

اۆتور: رۋسلان عابباسوۆ