پايعامبارىمىز (س. ع. س. ) بەن بۇزىق بالا

استانا. قازاقپارات - بۇل وقيعا ساحابالاردىڭ ءبىرى رافي يبن ءامىردىڭ بالا كۇنىندە بولعان ەدى.

ءبىر كۇنى ول ءمادينادا ءبىر انساردىڭ قۇرما اعاشى ءوسىپ تۇرعان باقشاسىنا كىرىپ كەتەدى. قۇرما اعاشىنا تاس لاقتىرىپ، تۇسكەن سوڭ ونى جەمەك بولادى. بالانىڭ بۇل ارەكەتىن بايقاپ قالعان ءۇي يەسى وعان قاتتى ۇرسىپ پايعامبارىمىزعا (س. ع. س. ) الىپ كەلەدى دە ونى جازالاۋىن سۇرايدى.

جاعدايعا قانىق بولعان اللا ەلشىسى (س. ع. س. ) رافيدەن:

- بالام، نەگە قۇرما اعاشىنا تاس لاقتىراسىڭ؟ - دەپ سۇرايدى.

ول:

- مەنىڭ قارنىم اش. سول ءۇشىن قۇرماعا تاس لاقتىرىپ، ونى ءتۇسىرىپ جەمەك بولدىم، - دەيدى. سوندا اللا ەلشىسى (س. ع. س. ):

- ەندى ەشقاشان بۇلاي جاساۋشى بولما. بۇدان بىلاي تەك جەرگە تۇسكەندەرىن جە، - دەيدى دە بالانىڭ باسىنان سيپاپ: «ۋا، اللام! مىنا بالانىڭ قارنىن تويدىر»، - دەپ دۇعا ەتەدى (تيرميزي، 54؛ يبن ءماجا، «ءتيجارا»، 67).