دۇرىس تاماقتانباۋدىڭ سالدارى
كەيبىرى ارتىق 500 گرامم جيناپ السا، ءتاتتى، اشى، قۋىرىلعان تاعامنان كەنەتتەن باس تارتىپ، سۋ مەن سابىزدەن باسقا ەشنارسە جەمەي جۇرەدى. بۇل ءارى قاۋىپتى ءارى ارتىق سالماقتان ارىلۋعا كومەكتەسپەيدى.
تاماق مازىرىڭىزدە كالوري تىم از بولۋىنىڭ سالدارى قانداي؟
جاسۋشا، ءتىن، ىشكى ورگاندار قالىپتى قىزمەت ەتۋى ءۇشىن اعزاعا بەلگىلى ءبىر مولشەردە كالوريي قاجەت. ءار اعزاعا قاجەت كالوري مولشەرى ءارتۇرلى. ايەل ادامنىڭ جاسى، سالماعى، ءومىر ءسۇرۋ سالتى، ەتەككىر كەزەڭى، گورموندار قالپىنا قاراي كۇنىنە قانشا كالوري قاجەت ەكەنى انىقتالادى.
ارىقتاۋ ءۇشىن اعزادا كالوري تاپشىلىعى بولۋى كەرەك. سوندا اعزا كالوريدىڭ ورنىنا ىشكى مايلاردى ورتەي باستايدى. ناتيجەسىندە ارتىق سالماق ازايادى. الايدا ەگەر كالوري تاپشىلىعى تىم جوعارى بولسا، تاماقتانۋ كەزىندە اعزا قاجەت ەمەس ەلەمەنتتەردى دە جيناي باستايدى. دەمەك، ارتىق سالماق تا جينالا بەرەدى.
مۇنداي تاماقتانۋ ءتارتىبى اس قورىتۋ جۇيەسىنىڭ بۇزىلۋى، گورمون قىزمەتىنىڭ بۇزىلۋى، بالا كوتەرە الماۋشىلىققا اپارىپ سوعۋى مۇمكىن ەكەنىن ەسكەرتۋ ءجون.
قالاي ارىقتاۋ كەرەك؟
وسىعان دەيىن سان رەت قايتالاپ كەلگەن فورمۋلا عانا سىزگە ارىقتاۋعا كومەكتەسەدى: دۇرىس تاماقتانۋ + سپورت. ءبىر ايدا، ەكى ايدا ناتيجە بولماعانمەن، ۋاقىت، ەڭبەك پەن شىدامدىلىقتىڭ ارقاسىندا ماقساتىڭىزعا جەتەسىز.
ارىقتاۋعا ارنالعان قاربىز ديەتاسى، كۇرىش ديەتاسى، ارىقتاۋعا ارنالعان مۇز ديەتاسى، ارىقتاۋعا ارنالعان جۇمىرتقا ديەتاسى، ارىقتاۋعا ارنالعان قانت ديەتاسى، ارىقتاۋعا ارنالعان قۇلپىناي ديەتاسى، ارىقتاۋعا كومەكتەسەتىن ديەتا، جىگىتتەرگە ارنالعان ديەتا، تەز ارىقتاتاتىن ديەتا سىندى ديەتا ءتۇرىن جازعان بولاتىنبىز. ولاردىڭ دا كومەگى تيەر دەگەن ويدامىز.
«ماسساگەت»
