10:37, 05 - قىركۇيەك 2015 | GMT +5
ءۇش اپەكەلى- ءسىڭلىلى ءبىر كۇندە، ءبىر اۋرۋحانادا بوساندى
استانا. قازاقپارات - يرلانديادا اسا ەرەكشە وقيعا بولدى. كاسلبار قالاشىعىنداعى اۋرۋحانادا ءۇش اپەكەلى- ءسىڭلىلى ءوز سابيلەرىن ءبىر كۇندە، سەيسەنبىدە بوساندى، دەپ حابارلايدى RTE News.
جاس انالاردىڭ سوزدەرىنە قاراعاندا، بۇل ەرەكشە سايكەستىك، دارىگەرلەر الدىن الا بوساناتىن كۇندەرىنىڭ ءار ۋاقىتتا كۇتىلەتىنىن ايتقان كورىنەدى. سودان دا شىعار، تاپ مۇنداي بولاتىندىعى ءتىپتى ويلارىنا دا كەلمەپتى.
اپەكەلى- سىڭلىلەر تاڭەرتەڭگى 3-تەن كەشكى 9-عا دەيىن بوسانعان. وسى ارالىقتا ەكى ۇل بالا مەن ءبىر قىز جارىق دۇنيەنىڭ ەسىگىن اشتى.
دارىگەرلەر وزدەرى جۇمىس جاسايتىن اۋرۋحانادا مۇنداي قىزىقتى جايتتىڭ، ءبىر جانۇيانىڭ ءۇش مۇشەسى ءبىر كۇندە بوسانۋىنىڭ تۇڭعىش رەت كەزدەسكەنىن ايتادى.
