ايدىن ايىمبەتوۆ عارىشتان تالعات مۇسابايەۆقا قوڭىراۋ شالدى - فوتو

 بۇل تۋرالى قازاقپارات تىلشىسىنە ينۆەستيتسيالار جانە دامۋ مينيسترلىگى ايەروكوسموس كوميتەتىنەن حابارلادى.

 «مەن وسى ۋاقىتتا جۇمىس كابينەتىندەمىن. بىرنەشە ساعات بۇرىن تىكەلەي ەفيردەن ح ع س شتاتتىق ءتۇيىسۋىن كوردىم، ەكيپاجدىڭ ستانساعا اۋىسۋى تۋرالى اقپاراتتى كۇتتىم. تاپ سول ساتتە قوڭىراۋ شىلدىرادى. تىڭداسام، ايدىننىڭ داۋسى. قاتتى قۋاندىم، ارينە، بۇل ويدا جوق كۇتپەگەن وقيعا بولدى.

ەسىمدە، ح ع س- تان يۋريي لونچاكوۆتىڭ العاشقى قوڭىراۋ شالعانى. سوندا مەن شىنىندا دا قاتتى تاڭ قالعانمىن!»، - دەيدى ت. مۇسابايەۆ.

ايدىن ايىمبەتوۆ، قازكوسموستىڭ ءبىرىنشى عارىشكەرى ستاتۋسىن العان عارىشكەر قازاقستاننىڭ عارىشتىق ۆەدوموستۆوسىنىڭ باسشىسىنا «عارىش ۇيىنە» امان- ەسەن جەتكەندىگىن باياندادى. «ءوزىمدى سەرگەك سەزىنەمىن، عارىشتىق باعدارلامانى ورىنداۋعا كىرىسەمىن»، - دەدى ايدىن.

 تالعات مۇسابايەۆ عارىشكەرلەرمەن ۇلتتىق عارىشتى زەرتتەۋلەر مەن تەحنولوگيالار ورتالىعىنىڭ (ۇ ع ز ت و) پرەزيدەنتى جۇمابەك جانتايەۆ باستاعان ماماندار تۇراقتى تۇردە بايلانىستا بولاتىندىعىن اتاپ ءوتتى.

سونداي- اق، تالعات مۇسابايەۆ تەلەفون ارقىلى ح ع س كومانديرى، رەسەيلىك عارىشكەر گەننادي پادالكامەن سويلەستى.

 «مەنىڭ 1998 - جىلى ەكىنشى رەت عارىشقا ساپارىمدا گەننادي العاش رەت ۇشقان بولاتىن. وعان ح ع س كومانديرى رەتىندە جەتەكشىلىك ەتكەن ەدىم»، دەپ ەسكە الادى ت. مۇسابايەۆ.

 بۇرىن حابارلانعانداي، اندرەاس موگەنسەن مەن ايدىن ايىمبەتوۆتىڭ عارىش ەكسپەديتسياسى 8 تاۋلىككە سوزىلادى. 12- قىركۇيەكتە ولار جەرگە ورالادى دەپ جوسپارلانىپ وتىر. ولارمەن بىرگە وسى كۇنى جەرگە عارىشتا 160 تاۋلىكتەن استام بولعان گەننادي پادالكا ورالادى.