قازاقستان حالقى تىلدەرىنىڭ كۇنى استانادا اتالىپ وتەدى
فەستيۆال قارساڭىندا مەرەكەلىك كونتسەرتتەر مەن ءتۇرلى سايىستار ۇيىمداستىرىلادى، دەپ حابارلادى قالالىق اكىمدىكتىڭ باسپا ءسوز قىزمەتىنەن.
بيىل XVII رەت ۇيىمداستىرىلىپ وتىرعان فەستيۆالدىڭ اشىلۋ سالتاناتى 8 -قىركۇيەك كۇنى ساعات 18.30-دا «كونگرەسس- حولل» سارايىندا وتەدى. 7 -قىركۇيەك كۇنى، ساعات 18.00 دە ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا
وتباسى كۇنىنە وراي «وتان وتباسىنان باستالادى» اتتى مەرەكەلىك ءىس- شارا وتەدى. سونداي- اق، 16 -قىركۇيەك كۇنى، ساعات 17.00 دە «مەگا» و س و «ۇزدىك جارناما» بايقاۋى ۇيىمداستىرىلادى. 18 -قىركۇيەكتە ق ر پرەزيدەنتى جانىنداعى مەملەكەتتىك قىزمەت اكادەمياسىندا «مەملەكەتتىك ءتىل - مەملەكەتتىك قىزمەتتە» اتتى بايقاۋ ۇيىمداستىرىلادى.
22 -قىركۇيەكتە، ساعات 18.00 دە «تىلەپ قوبىز سارايى» كونسەرتتىك زالىندا قازاق حاندىعىنىڭ 550 جىلدىعىنا ارنالعان «تاريح پەن ءتىل تامىرلاس» اتتى اقىندار ءمۇشايراسى وتەدى.
قازاقستان حالقى تىلدەرىنىڭ XVII فەستيۆالىنىڭ جابىلۋى 24 -قىركۇيەككە بەلگىلەنىپ وتىر. وسى كۇنى تاڭعى ساعات 10.00 دەن 22.00 گە دەيىن قوعامدىق كولىكتەر، مەديتسينا مەكەمەلەرى مەن ساۋدا ورتالىقتارىندا «ءبىز مەملەكەتتىك تىلدە قىزمەت كورسەتەمىز» اتتى اكسيا وتپەكشى. جابىلۋ سالتاناتى اياسىندا ورتالىق الاڭدا «ءتىل تۇتاستىعى - ەل تۇتاستىعى» اتتى گالا كونسەرت ۇيىمداستىرىلادى.
