قازاقستاندا كوممۋنيستىك پارتيا جابىلدى

استانا. قازاقپارات - قازاقستاندا كوممۋنيستىك پارتيا جابىلدى.
None
None

مۇنداي شەشىمدى الماتىنىڭ مامانداندىرىلعان اۋدانارالىق ەكونوميكالىق سوتى شىعاردى، - دەپ حابارلايدى Tengrinews.kz ءتىلشىسى قالالىق سوت باسپا ءسوز قىزمەتىنىڭ باسشىسى قۋاندىق ەشمەتكە سىلتەمە جاساپ.

«قازاقستاننىڭ ادىلەت مينيسترلىگى سوتقا ارىز ءتۇسىردى، وندا قازاقستاننىڭ كوممۋنيستىك پارتياسىن جابۋ تۋرالى ءوتىنىش جازىلعان، پارتيا جۇمىسىن تەكسەرۋ بارىسىندا زاڭنامالىق تالاپتاردىڭ بۇزىلعانى انىقتالىپتى. سوت ادىلەت مينيسترلىگىنىڭ ارىزىن قاناعاتتاندىرىپ، قازاقستان كوممۋنيستىك پارتياسى قوعامدىق بىرلەستىگىن جاۋىپ، وعان 1982 تەڭگە كولەمىندە مەملەكەتتىك باج سالىعىن تولەتۋدى قاۋلى ەتتى. شەشىم 7 -تامىزدا شىعارىلدى»، - دەدى ق. ەشمەت. سوت شەشىمى زاڭدى كۇشىنە ەندى.

ايتا كەتەيىك، كوممۋنيستىك پارتيا 1998 -جىلى 27 -تامىزدا تىركەلدى، كەيىن 2003 -جىلى قايتا تىركەۋگە الىندى. پارتيانىڭ ءبىرىنشى حاتشىسى - سەرىكبولسىن ءابدىلدين. 1999 -جىلعى سايلاۋدىڭ ناتيجەسى بويىنشا ماجىلىستە پارتيانىڭ ەكى دەپۋتاتى بولدى، ولار پارتيالىق ءتىزىم ارقىلى ءوتتى. 2004 -جىلى پارتيادان قازاقستان كوممۋنيستىك حالىق پارتياسى ءبولىنىپ شىقتى.

پارتيا ءوزىنىڭ نەگىزگى ماقساتتارى: رەسپۋبليكادا عىلىمي سوتسياليزمنىڭ قاعيداتتارىنا نەگىزدەلگەن، ەركىندىك جانە الەۋمەتتىك ادىلەتتىلىك قوعامىن قۇرۋ ءۇشىن جاعدايلار جاساۋ، كوممۋنيستىك قوعامدىق قۇرىلىس قۇرۋ دەپ ەسەپتەدى. پارتيا ينتەرناتسيوناليزمدى دە جاقتادى.

سوڭعى جاڭالىقتار