13:27, 04 - قىركۇيەك 2015 | GMT +5
ايدىن ايىمبەتوۆتىڭ عارىش كەمەسى اپاتقا ۇشىراي جازداعانى شىن با؟
استانا. قازاقپارات - ايدىن ايىمبەتوۆ اپاتقا ۇشىراي جازدادى! كەشە عانا بايقوڭىردان ۇشىرىلعان «سويۋز» عارىش كەمەسى كوكتە قاڭعالاقتاپ جۇرگەن ەسكى زىمىراننىڭ قاڭقاسىنا سوقتىعىسۋعا ءسال قالعان.

ايتەۋىر، رەسەيلىك جانە امەريكالىق باسقارۋ ورتالىقتارىنىڭ ماماندارى بىرلەسىپ، اپاتتىڭ الدىن الىپتى.
حالىقارالىق ەكيپاج مۇشەلەرى مىنگەن زىمىران سىنىق بولشەكتى اينالىپ وتكەن. ال عارىشكەرلەردى ابىگەرگە تۇسىرگەن بۇل قاڭقا 1989 -جىلى ۇشىرىلعان جاپون عارىش كەمەسىنىڭ قالدىعى ەكەن. ايتا كەتەيىك، كەشە عانا ۇشىرىلعان زىمىران ەكيپاجىندا ايىمبەتوۆپەن بىرگە رەسەيلىك عارىشكەر سەرگەي ۆولكوۆ پەن ەۋروپالىق استروناۆت اندرەاس موگەنسەن بار.
« KTK» تەلەارناسى