جەمقور دەگەن كۇدىكپەن وساكاروۆ اۋدانىنىڭ اكىمى ۇستالدى - قاراعاندى وبلىسى
قاراعاندى. قازاقپارات - قاراعاندى وبلىسى وساكاروۆ اۋدانىنىڭ اكىمى نۇرجان ءابىلدين جەمقورلىق قىلمىسىن جاساۋ كۇدىگىمەن ۇستالدى، دەپ حابارلادى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ وبلىستىق دەپارتامەنتىنەن.
«ءيا، راستايمىز (ۇستالۋىن - رەد. ). وساكاروۆ اۋدانىنىڭ اكىمى 2 - قىركۇيەك كۇنى كۇندىز ۇستالدى. تەرگەۋ مۇددەسى ءۇشىن وزگە اقپاراتتى تاراتپايمىز»، - دەدى جەمقورلىقتىڭ الدىن الۋ جانە ب ا ق- پەن ءوزارا ارەكەتتەستىك ءبولىمىنىڭ باسشىسى ديدار سماعۇلوۆ.
ن. ءابىلدين ءۇش ايدان بەرى وساكاروۆ اۋدانىنىڭ اكىمى بولىپ قىزمەت ەتىپ كەلەدى. بۇعان دەيىن ول سول اۋداننىڭ اكىمىنىڭ ورىنباسارى بولىپ جۇمىس ىستەگەن.
