قازاتوم ونەركاسىپ قىتاي ارقىلى سولتۇستىك امەريكاعا ۋران جەتكىزەدى
بۇل تۋرالى «قازاتوم ونەركاسىپ» ا ق باسپا ءسوز قىزمەتى حابارلادى.
كەلىسىم- شارتتا تاۋاردى ۋاقىتشا ساقتاۋ مەن ق ح ر اۋماعى ارقىلى ا ق ش پەن كانادانىڭ باتىس پورتتارىنا ترانزيتتى تاسىمالداۋ قاراستىرىلعان. قازاقستان- قىتاي ىنتىماقتاستىعى قازاتوم ونەركاسىپتىڭ ۋران ونىمدەرىن الەمدىك نارىققا شىعارۋ باعىتىن ءارتاراپتاندىرۋعا مۇمكىندىك بەرەدى.
ق ح ر- عا ساپارى بارىسىندا ۇلتتىق اتوم كومپانياسىنىڭ باسشىسى اسقار جۇماعاليەۆ قىتاي مەملەكەتتىك يادرولىق كورپوراتسياسى (CNNC) باس ديرەكتورى سيان چجيمينمەن كەزدەستى. تاراپتار اتوم ەنەرگياسىن بەيبىت پايدالانۋ سالاسىنداعى ءوزارا ءتيىمدى ىنتىماقتاستىقتى ودان ءارى دامىتۋ بويىنشا ءبىرقاتار ماسەلەلەردى تالقىلادى.
«قازاتوم ونەركاسىپ» ۇ ا ك» ا ق جانە CNNC كوپ جىلدىق ىنتىماقتاستىق تاجىريبەسىنە يە. قىتاي مەملەكەتتىك يادرولىق كورپوراتسياسى - تولىق يادرولىق وتىن سيكلىنا يە ءىرى كومپانيالاردىڭ ءبىرى. CNNC توبىنداعى 110 ەنشىلەس كاسىپورىندا 100 مىڭنان استام ادام ەڭبەك ەتەدى. كورپوراتسيا جيىنتىق قۋاتى 9800 م ۆ ت- قا تەڭ 12 ەنەرگەتيكالىق بلوكقا يە 6 ا ە س پايدالانۋدا.
CNNC- ءنىڭ ەنشىلەس كاسىپورنى سانالاتىن CNEIC يادرولىق وتىن سيكلى ونىمدەرىنىڭ يمپورت جانە ەكسپورتىمەن شۇعىلدانادى.
