قازاقستان مەن قىتاي شەكارا ارالىق وزەندەردىڭ سۋىن ءبولۋ تۋرالى كەلىسىمگە قول قويادى - ق ر پرەزيدەنتى

بۇل تۋرالى قازاقستاندىق جۋرناليستەرگە ارنالعان باسپا ءسوز كونفەرەنسياسىندا ق ر پرەزيدەنتى نۇرسۇلتان نازاربايەۆ ءمالىم ەتتى.
«سۋ ءبولۋ جايىندا ەكى ەل اراسىندا ءتيىستى كەلىسىمگە قول قويىلاتىنىنا كەلىستىك. ارينە، باتىس قىتاي دامىپ كەلەدى، ولار ءۇشىن دە ءبولۋدىڭ ءادىل جۇرگىزىلۋى ماڭىزدى. بىزگە قازاقستانعا زيان تيگىزەتىن ارەكەتتەر ەش ۋاقىتتا جاسالمايتىنىنا ءسوز بەردى»، - دەدى مەملەكەت باسشىسى.
ەسكە سالا كەتەيىك، كەشە ن. نازاربايەۆتىڭ قىتايعا جاساعان مەملەكەتتىك ساپارى اياسىندا ق ح ر ءتوراعاسى شي جيينپيڭمەن، ءۇش قىتايلىق كورپوراتسيانىڭ (CNPC، CITIC Group, Qinghua) باسشىلارىمەن كەزدەسۋلەرى ءوتىپ، 12 ەكىجاقتى قۇجاتقا قول قويىلعان بولاتىن.
ساپار 3 -قىركۇيەككە دەيىن جالعاسادى. بۇگىن ق ح ر مەملەكەتتىك كەڭەسىنىڭ پرەمەرى لي كىشياڭمەن كەزدەسۋ وتەدى. بەيسەنبى كۇنى ق ر پرەزيدەنتى قىتاي حالقىنىڭ جاپوندىق باسقىنشىلارعا قارسى كۇرەسى سوعىسىنداعى جەڭىسىنىڭ 70 جىلدىعىنا ارنالعان سالتاناتتى پارادقا قاتىسادى.