جەرگىلىكتى پوليتسيانى وبلىس اكىمى تاعايىندايتىن بولادى

استانا. قازاقپارات - «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەرگىلىكتى پوليتسيا قىزمەتىنىڭ جۇمىسى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا ساي، جەرگىلىكتى پوليتسيا جەتەكشىسىن سول وبلىستىڭ اكىمى تاعايىندايتىن بولادى.

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگ بارىسىندا ق ر ىشكى ىستەر مينيسترلىگى اكىمشىلىك پوليتسيا كوميتەتىنىڭ ءتوراعاسى يگور لەپەحا ءمالىم ەتتى.

«زاڭ جوباسىنداعى ءبىر جاڭالىق - 2016 - جىلدىڭ 1 - قاڭتارىندا قۇجات كۇشىنە ەنگەن سوڭ، جەرگىلىكتى پوليتسيانىڭ جەتەكشىسى مەن ونىڭ ورىنباسارىن ىشكى ىستەر مينيسترلىگىمەن جانە وبلىستىق ماسليحاتپەن كەلىسە وتىرىپ، وبلىس اكىمى تاعايىندايدى. وسىلايشا، اكىم ءوز وڭىرىندەگى ءتارتىپتىڭ ساقتالاۋىن قامتاماسىز ەتەتىن تەتىكتى كوبەيتەدى جانە دە جەرگىلىكتى پوليتسيا جۇمىسى ءۇشىن اكىمنىڭ جاۋاپكەرشىلىگى ارتادى»، - دەپ حابارلادى ي. لەپەحا.

ايتا كەتەيىك، وسى جىلدىڭ مامىر ايىندا وتكەن ۇكىمەتتىڭ كەڭەيتىلگەن وتىرىسىندا مەملەكەت باسشىسى حالىققا ەسەپ بەرەتىن جەرگىلىكتى پوليتسيا ورگانىن قۇرۋدى تاپسىرعان بولاتىن. وسى تاپسىرمانى ورىنداۋ ءۇشىن ىشكى ىستەر مينيسترلىگى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەرگىلىكتى پوليتسيا قىزمەتىنىڭ جۇمىسى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەگەن بولاتىن. زاڭ 2016 - جىلدىڭ 1 - قاڭتارىنان كۇشىنە ەنەدى.

اۆتور: كەنجەكەي توقتامۇرات قىزى