حالىقارالىق ىزدەۋدە جۇرگەن قازاقستاندىق ايەل رەسەيدە اباقتىداعى ەر اداممەن زاڭسىز نەكەلەسكەن

استانا. قازاقپارات - قازاقستاندا ەكونوميكالىق قىلمىس جاساعان ايەل ءۇش جىلدان استام ۋاقىت ومبى قالاسىندا جاسىرىنعان، دەپ حابارلايدى ر ب ك.

 ومبى وبلىسى بويىنشا سوت جاساۋىلدارى باسقارماسىنىڭ باسپا ءسوز قىزمەتىنىڭ حابارلاۋىنشا، قازاقستاندىق بۇرىنعى ەسەپشى ايەل ءوز ەلىنىڭ اۋماعىندا ەكونوميكالىق قىلمىستار جاساعان. بيزنەسى قۇردىمعا كەتكەن سوڭ، ول ومبىدا جاسىرىنۋدى شەشكەن. ومبىدا زاڭدى تۇردە تۇرۋ ءۇشىن، سول جەردە قازىرگى ۋاقىتتا تۇرمەدە وتىرعان ەر ادامعا زاڭسىز تۇرمىسقا شىققان.

 ومبىداعى كۋيبىشيەۆ اۋداندىق سوتى ايەلدى ر ف اكىمشىلىك قۇقىق بۇزۋشىلىقتار تۋرالى كودەكسىنىڭ 18.8 بابىنىڭ 1.1 بولىمىمەن («شەتەلدىك نەمەسە ازاماتتىعى جوق رەسەي ازاماتىنىڭ رەسەي فەدەراتسياسىنا كىرۋ نەمەسە رەسەي فەدەراتسياسىندا بولۋ (تۇرۋ) ەرەجەلەرىن بۇزۋ» ) قاراستىرىلعان قۇقىق بۇزۋشىلىقتى جاسادى دەپ ايىپتادى. وعان ايىپپۇل سالىنىپ، ءماجبۇرلى تۇردە ەلدەن شىعارىلعان.