پاتشا قىزىن نەگە ۇرىعا ۇزاتپاق بولدى؟

استانا. قازاقپارات - ەرتەدە ءبىر كەدەي جىگىت حان ۇيىنە ۇرلىققا تۇسەدى.
None
None

ۇرىنىڭ اياق دىبىسىنان ويانىپ كەتكەن حان دەرەۋ قۋلىققا كوشەدى. ول قاسىندا ۇيىقتاپ جاتقان ايەلىن وياتىپ، ادەيى داۋسىن ۇرىعا ەستىلەتىندەي ەتىپ شىعارىپ:

- كەمپىر، ا، كەمپىر، قىزىمىز بولسا بويجەتىپ وتىر. ونى كىمگە ۇزاتساق ەكەن، ا؟ - دەيدى.

- قايدان بىلەيىن، اكەسى- اۋ، لايىق دەپ تاپقان ادامىڭىزعا بەرەسىز. ءتۇن جارىمىندا وسىعان بولا مەنى وياتقانىڭىز قالاي؟ - دەپتى ايەلى.

وندا بىلاي ەتەيىك، - دەيدى حان ءسوزىن جالعاپ. ەرتەڭنەن باستاپ مەشىتكە ءبىر باقىلاۋشى قويايىق. كىمدە- كىم قىرىق كۇن بويى نامازىن قازا قىلماستان مەشىتكە كەلىپ وقيتىن بولسا، سول مۇسىلمانعا قىزىمىزدى قالىڭسىز- اق بەرەيىك. ءارى ءبىزدىڭ بار قازىنامىز دا سوعان مۇرا بولىپ قالسىن.

مىنا سوزدەردى ەستىگەن جىگىت حاننىڭ ۇيىنەن بىردە-ءبىر زاتتى ۇرلاماستان شىعىپ كەتەدى. ءسويتىپ قىرىق كۇن بويى مەشىتكە بارىپ ناماز وقىپ جۇرەدى. قىرىق كۇن وتكەن سوڭ حان ونى الدىنا شاقىرىپ الىپ، قىزىن بەرمەك بولادى. الايدا قىرىق كۇن بويى ناماز وقىپ، يمانى ارتقان جىگىت ءوزىنىڭ ۇرلىق جاساماق بولعانى ءۇشىن قاتتى ۇيالىپ:

- تاقسىر، ماعان ءسىزدىڭ قىزىڭىزدىڭ دا، قازىناڭىزدىڭ دا كەرەگى جوق. وسى كۇنىمە دە ريزامىن. قازىر ءسىزدى الداپ، قىزىڭىزدى الىپ، ۇلكەن كۇناعا باتقىم كەلمەيدى. ال مەنى ءبىر كۇنادان قۇتقارعانىڭىز ءۇشىن سىزگە العىس ايتامىن، - دەپتى.

mazhab.kz

سوڭعى جاڭالىقتار