ن. نازاربايەۆ سەربيالىق كومپانيالاردى ءۇ ي ي د مەملەكەتتىك باعدارلاماسىن جۇزەگە اسىرۋعا قاتىسۋعا شاقىردى - فوتو
«جەكە قۇرامداعى جانە دەلەگاتسيالار اراسىنداعى كەلىسسوزدەر بارىسىندا بىزدەر ەكونوميكا مەن ساياساتقا قاتىستى ماسەلەلەردىڭ كەڭ اۋقىمى بويىنشا پىكىر الماستىق. ءبىزدىڭ ەلدەرىمىز اراسىندا قانداي الەۋەتتىڭ بار ەكەندىگىن انىقتادىق. بىزدەردىڭ ارامىزدا سەنىمدى بايلانىس ورناتىلعان. ءبىز، پرەزيدەنت مىرزامەن تانىسپىز ءارى حالىقارالىق الاڭداردا بىرنەشە مارتە كەزدەستىك. بۇگىن ءبىز ىنتىماقتاستىعىمىزدى كۇشەيتۋ قاجەتتىگىن ءسوز ەتتىك»، - دەدى ەلباسى.
سونىمەن قاتار مەملەكەت باسشىسى ساۋدا- ەكونوميكالىق ىنتىماقتاستىق جونىندەگى قازاقستان- سەربيا ۇكىمەتارالىق كوميسسياسىنىڭ ءبىرىنشى وتىرىسىن كەلەسى جىل وتكىزۋ تۋرالى ۋاعدالاستىققا قول جەتكىزىلگەنىن اتاپ ءوتتى. ق ر پرەزيدەنتىنىڭ العا تارتقان دەرەكتەرىنە سايكەس، بۇگىنە ەلىمىزدە سەربيا كاپيتالىنىڭ قاتىسۋىمەن 20 كاسىپورىن قۇرىلىس جانە ساۋدا سالاسىندا جۇمىس ىستەۋدە. ماسەلەن، سەربيا كومپانيالارى الماتى مەتروسىنىڭ ءبىرقاتار ستانساسىن سالۋعا قاتىستى. بۇگىندە استانادا ءبىرقاتار نىسانداردى سالۋدا.
«مەن سەربيالىق كومپانيالاردى ۇدەمەلى يندۋستريالىق- يننوۆاتسيالىق دامۋ مەملەكەتتىك باعدارلاماسىن جۇزەگە اسىرۋعا، ەكسپو-2017 بۇكىلالەمدىك كورمەسىنە دايىلدالۋ جانە وتكىزۋ شارالارىنا قاتىسۋعا شاقىرامىن»، - دەدى ن. نازاربايەۆ.
ا
اۆتور: مارلان جيەمباي
