تۇڭعىش رەت قازاق تازىلارىنىڭ كورمەسى رەسپۋبليكالىق دەڭگەيدە وتەدى
يگى شارا قازاق حاندىعىنىڭ 550 جىلدىعىنا ارنالعان. بۇل شارانىڭ رەسپۋبليكالىق كولەمدە العاش رەت ۇيىمداستىرىلىپ وتىرعانىن اتاپ ءوتۋ قاجەت.
جىبەك جولى اۋىلى استانا قالاسىنىڭ ىرگەسىندە، استانا- قاراعاندى تاس جولىنىڭ بويىندا ورنالاسقان. قازاقتىڭ تازىسى مەن توبەتتەرىنىڭ اسىل تۇقىمىن ساقتاۋ، ولاردى ناسيحاتتاۋ ماقساتىندا وتكىزىلەتىن وسى اۋقىمدى ءىس- شارانى «قانسونار» اڭشىلاردىڭ قوعامدىق بىرلەستىكتەرى مەن اڭشىلىق شارۋاشىلىعى سۋبەكتىلەرىنىڭ رەسپۋبليكالىق قوعامداستىعى اقمولا وبلىستىق اكىمدىگىمەن بىرلەسىپ ۇيىمداستىرىپ وتىر.
وسى شاراعا ەلىمىزدىڭ بارلىق وڭىرىنەن قازاقتىڭ اسىل تۇقىمدى تازىسى مەن توبەتىن اسىراپ وتىرعان ازاماتتار قاتىسادى. سونىمەن قاتار رەسەي، ازەربايجان جانە قىرعىز ەلىنەن حالىقارالىق ساراپشىلار قاتىسادى دەپ كۇتىلۋدە. قۇرمەتتى قوناق رەتىندە قوعام جانە مەملەكەت قايراتكەرلەرى، پارلامەنت دەپۋتاتتارى، ۇلتتىق سپورت پەن حالىقتىق قۇندىلىقتاردى قادىر تۇتاتىن ازاماتتار شاقىرىلىپ وتىر.
باعدارلاما بويىنشا ەلەكتروندى قوياندى ۇستاۋ سياقتى تازى يتتەردىڭ جارىسى وتەدى.
اتالعان شارانىڭ سالتاناتتى اشىلۋ ءراسىمى جىبەك جولى اۋىلىنداعى «نامىس» ستاديونىندا 6 - قىركۇيەك كۇنى ساعات 10.00 دە باستالادى.
اۆتور: ايدىن بايمەن
