سوعىسقا «قىز جىبەكتىڭ» اكەسى دە قاتىسقان

فوتو- كىتاپقا ۇلى وتان سوعىسىنا قاتىسقان مايدانگەرلەردىڭ ۇرپاقتارى جولداعان دەرەكتەر مەن فوتوسۋرەتتەر توپتاستىرىلعان. قۇراستىرۋشى- اۆتور: قازبەك بەيسەبايەۆ.
كىتاپ اۋدارماسىنان ءۇزىندى:
وتەكەشيەۆ قاراتاي اسپانبەت ۇلى (1915-1997) باتىس قازاقستان وبلىسى، جانىبەك اۋدانى، مۇراتساي اۋىلىندا دۇنيەگە كەلگەن. 1938 -جىلى گ. ك. جۋكوۆتىڭ باسقارۋىمەن حالحين- گولدە تانكتىك شايقاسقا قاتىستى. سوعىستان بۇرىن 1940 -جىلى باتىس قازاقستان وبلىسى، شىڭعىرلاۋ اۋدانى، شىلىك اۋىلىندا اۋداندىق كوميتەت پارتياسىنىڭ نۇسقاۋشىسى قىزمەتىن اتقاردى. 1941 -جىلدىڭ كۇزىندە اعاسى وتەكەشيەۆ قاراسايمەن بىرگە ەرىكتى تۇردە سوعىسقا اتتاندى. سولتۇستىك- باتىس شەبىندە تانكتىك اسكەردە شايقاستى. گەرمانيا قالالارىنىڭ بىرىندە كوممەندانت بولىپ، بەرلينگە اتتاندى.
سوعىس اياقتالعان سوڭ ۇيىنە كاپيتان اتاعىن ارقالاپ ورالدى. ەكى رەت « قىزىل جۇلدىز» وردەنىنە جانە كوپتەگەن مەدالدارعا يە بولدى.
ونىڭ قىزى اتاقتى «قىز جىبەك» فيلمىنىڭ باستى رولىندە ويناعان مەرۋەرت وتەكەشەۆا - قازاقستان تەاتر جانە كينو ونەرىنىڭ ءارتىسى رەتىندە تانىمال.
massaget.kz