الماتىدا توي اقىسىن تولەي الماعانى ءۇشىن مەيرامحانا قوجايىنى قالىڭدىقتى كەپىلدە ۇستاعان

استانا. قازاقپارات - الماتىداعى بەلدى مەيرامحانا قوجايىنى توي اقىسىن تولەي الماعانى ءۇشىن قالىڭدىقتى تاڭعا دەيىن كەپىلدە ۇستاعان.
None
None

ماقسۇت (ەسىمى وزگەرتىلگەن - رەد. ) ناۋاي كوشەسىنىڭ بويىنداعى قىمبات ءدامحاناعا نەسيە الىپ، 150 ادامعا ۇيلەنۋ تويىن جاساعان.

داستارحان مەن قوناق كۇتۋ قۇنى 2 ميلليون 150 مىڭ تەڭگە بولعان. اتالعان سومانىڭ 70 پايىزىن جاس جۇبايلار تويعا دەيىن تولەپ، قالعان قاراجاتتى قوناقتار اكەلگەن سىيلىقتان جابامىز دەپ جوسپارلاعان.

الايدا سول كۇنى بەلگىسىز سەبەپتەرمەن تويعا شاقىرىلعان قوناقتاردان 30 ادام كەلمەگەندىكتەن، داستارحان بوس تۇرىپ، تۇسەتىن سىيلىقتىڭ كولەمى دە ازايعان. وسىلايشا جاس جۇبايلار مەيرامحاناعا 500 مىڭ تەڭگە قارىز بولادى. توي اياقتالىسىمەن اكىمشى جاس جۇبايلارعا تۇندەلەتىپ جارتى ميلليون تەڭگە تابۋدى تالاپ ەتكەن.

ءتىپتى، «ەرتەڭگە قالدىرمايمىن» دەگەن كاسىپكەر قالىڭدىقتى اق كويلەگىن شەشكىزبەستەن تاڭعا دەيىن كەپىلدە ۇستاعان. ماقسۇت كەپىلگە كولىگىن دە ۇسىنعان الايدا، مەيرامحانا قىزمەتكەرلەرى مەن قوجايىنى باس تارتىپتى. وسىلايشا كۇيەۋ جىگىت تۇندەلەتىپ، كولىگىن جارتى باعاسىنا ساتىپ، قالىڭدىعىن كەپىلدەن شىعارىپ العان.

ەسىن جيعان جاس جۇبايلار ەندى بۇل ءىستىڭ قىلمىس ەكەنىن ءتۇسىنىپ، مەيرامحانا قوجايىنىن سوتقا بەرمەكشى. توي ۇيىمداستىراتىن مەكەمە باسشىلارىنىڭ سوزىنشە وتباسىلىق مەرەكەلەردە مۇنداي جاعىمسىز جايتتەر وتە ءجيى كەزدەسەدى.

بارلىعىندا ءبىر ماسەلە - جاس جۇبايلار قارىز الىپ، قاۋعالانىپ توي جاسايدى. كەيدە ەسەپتەگەن اقشالارى جەتپەيدى، نە بولماسا قارىزدارىن جابا الماي جۇرەدى. ءتىپتى، توي ۇستىندە قىزمەتشىلەردىڭ اقىسىن تولەي الماي، قىمبات ۇيالى تەلەفوندارىن بەرىپ جاتاتىن ساتتەر دە بولادى دەيدى.

دەرەككوزى: nur.kz

سوڭعى جاڭالىقتار