باقىتجان ساعىنتايەۆ قىتاي مەملەكەتتىك كەڭەسىنىڭ پرەمەرى لي كىشياڭمەن كەزدەستى - فوتو

بەيجىڭ. قازاقپارات - قازاقستان مەن قىتاي «نۇرلى جول» باعدارلاماسىنىڭ «ۇلى جىبەك جولىنىڭ ەكونوميكالىق بەلدەۋىمەن» ءتۇيىسۋى جونىندەگى ارنايى جۇمىس توبىن قۇرادى.

بۇل تۋرالى قازاقستاندىق جۋرناليستەرگە بەرگەن سۇحباتىندا ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ حابارلادى.

«باستىسى - مەملەكەت باسشىسى ن. نازاربايەۆتىڭ «نۇرلى جول» جاڭا ەكونوميكالىق باعدارلاماسى مەن ق ح ر ءتوراعاسى شي جينپيننىڭ «ۇلى جىبەك جولىنىڭ ەكونوميكالىق بەلدەۋىن» قالىپتاستىرۋ باستاماسىن ۇيلەستىرۋدە ىنتىماقتاستىقتى ودان ءارى ىلگەرىلەتۋ بويىنشا ارنايى جۇمىس توبىن قۇرۋ تۋرالى ۋاعدالاستىق»، - دەدى ول ق ك پ و ك ساياسي بيۋروسى تۇراقتى كوميتەتىنىڭ مۇشەسى، ق ح ر مەملەكەتتىك كەڭەسىنىڭ پرەمەرى لي كىشياڭمەن كەزدەسكەننەن كەيىن.

ساعىنتايەۆتىڭ ايتۋىنشا، تاراپتار مۇناي- گاز سەكتورى، اتوم ەنەرگەتيكاسى، اۋىل شارۋاشىلىعى، تۋريزم جانە ت. ب. سياقتى باسىم سالالاردا ەكى ەلدىڭ ىنتىماقتاستىعىن جالعاستىرۋ قاجەتتىگىن جەتكىزدى.

ەسكە سالساق، بەيجىڭگە ب. ساعىنتايەۆتىڭ باسشىلىعىمەن قازاقستاندىق دەلەگاتسيانىڭ ساپارى اياسىندا ىنتىماقتاستىق جونىندەگى قازاقستاندىق- قىتايلىق كوميتەتتىڭ 7- وتىرىسى وتكىزىلدى. تاراپتار مەملەكەت باسشىسى ن. نازاربايەۆتىڭ الداعى 31 -تامىز- 3 -قىركۇيەك ارالىعىندا ق ح ر- عا مەملەكەتتىك ساپارى اياسىندا قول قويۋى جوسپارلانعان ءبىرقاتار كەلىسىمدەردى قارادى.