19:28, 24 - تامىز 2015 | GMT +5
لوس- اندجەلەستە ات وزدىرعان قازاقستاندىقتار
استانا.قازاقپارات - ش ق و- نىڭ 4 سپورتشىسى لوس- اندجەلەس قالاسىندا وتكەن الەمدىك 14- ارنايى وليمپيادا ويىندارىنان ات سپورتى بويىنشا ءبىرىنشى رەت قاتىسىپ، 36 كوماندا 120 قاتىسۋشى اراسىنان 2 التىن، 5 كۇمىس جانە 1 قولا مەدال يەلەندى.

وبلىس قانا ەمەس، ەل نامىسىن قورعاپ كەلگەن سپورتشىلارعا ق ر ءماجىلىسىنىڭ دەپۋتاتى نيكولاي كۋزمين العىسىن ءبىلدىردى.
- جەڭىمپازدار قازاقستان قۇراماسى اتىنان ات سپورتى بويىنشا ءبىرىنشى رەت قاتىسىپ، جۇلدەلى ورىن يەلەنىپ ەلىمىزدى جاڭا قىرىنان تانىتتى. بۇل سپورتشىلاردىڭ عانا ەمەس، اتا- انالارىنىڭ، قولداۋ كورسەتكەن دەمەۋشىلەردىڭ جەڭىسى. وسى ورايدا يپوتەراپيا ورتالىعىنا جانە قولداۋ كورسەتكەن شقو اكىمدىگىنە العىسىمدى بىلدىرەمىن، - دەدى نيكولاي كۋزمين.
مۇمكىندىگى شەكتەۋلى سپورتشىلار اراسىندا وتكەن باسەكەگە وبلىستان «تيتان» ج ش س يپوتەراپيا ورتالىعىندا جاتتىققان 4 سپورتشى اتتانعان. قازاقستان قۇراماسى جالپى سانى 58 مەدال يەلەنسە، ونىڭ 8- ءى شىعىسقازاقستاندىقتاردىڭ قانجىعاسىندا.
«شىن اقپارات»