الماتىدا ماڭىزدى ازىق- تۇلىك تاۋارلارىنا باعا كوتەرىلمەگەن ا. بالوۆا

بۇل تۋرالى بۇگىن قالا باسشىسى باۋىرجان بايبەكتىڭ قالاداعى ءبىرقاتار بازارلاردى ارالاۋى بارىسىندا قالالىق كاسىپكەرلىك جانە يندۋستريالدىق- يننوۆاتسيالىق دامۋ باسقارماسىنىڭ باسشىسى ءالفيا بالوۆا ايتتى.
«الماتىدا الەۋمەتتىك ماڭىزى بار ازىق- تۇلىك تۇرلەرى قىمباتتاماعان. 20 - تامىزدا ق ر ۇكىمەتى ۇلتتىق ۆاليۋتانى ەركىن اعىمعا جىبەرگەنىن بىلەسىزدەر. وسىعان سايكەس مەملەكەت باسشىسى جەرگىلىكتى بيلىك ورگاندارىنا باعانى كوتەرمەۋدى قاداعالاۋ تۋرالى تاپسىرما بەردى. ءقازىر الماتىدا قالا اكىمىنىڭ توراعالىعىمەن ارنايى شتاب قۇرىلدى. شتابتىڭ جۇمىس توبى نەگىزگى الەۋمەتتىك ماڭىزى بار تاۋارلار مەن قىزمەت كورسەتۋ تۇرلەرىنە باعانىڭ وسپەۋىن قاداعالايدى. ەگەر، تۇرعىندار باعانىڭ نەگىزسىز كوتەرىلگەنىن ەستىسە، بىردەن ارنايى تەلەفوندارعا حابارلاسسىن. ولار سايتتا كورسەتىلگەن» ، - دەدى ءا. بالوۆا.
سونداي- اق، باسقارما باسشىسى جاڭا وقۋ جىلى بارىسىندا مەكتەپ تاۋارلارىنىڭ باعاسى دا قاتاڭ باقىلانىپ وتىرعانىن اتاپ ءوتتى.
«ءبىز ساۋدا ورىندارىنا باعانى كوتەرمەۋ تۋرالى تاپسىرما بەردىك. الماتى اكىمى بۇگىن «سارى ارقا»، «كوك بازار»، «بەككەر» ساۋدا ورىندارىن ارالاپ شىقتى. كوك بازاردا باعالار جوعارى بولسا، سارى ارقادا ءبىرشاما ارزان. قالا باسشىسى تۇتىنۋشىلاردىڭ پىكىرىن تىڭدادى. بۇگىندە الەۋمەتىك ماڭىزى بار ازىق- تۇلىكتىڭ 33 ءتۇرى بار: نان، ءسۇت، ەت، سۇيىق ماي، قانت، ۇن، شاي، تۇز ت. ب. باعانىڭ قىمباتتاۋى تەك پرەميۋم- كلاستاعى كوسمەتيكالىق بۇيىمداردا بايقالادى»، - دەدى ول.
اۆتور: گۇلميرا عوسمانالي