قازاقستاندىق جۋرناليستەر «بارلاۋشى جولىمەن» ءجۇرىپ اسكەري سىناقتان ءوتتى- فوتو

ارنايى ماقساتتاعى بولىمشەلەردىڭ دايارلىعىنا ەنگىزىلگەن ساباق بۇل سەميناردىڭ جاڭالىعى بولدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
وسىلايشا تىلشىلەر «بارلاۋشى جولىمەن» ، ياعني اسكەري جاعدايدا بارىنشا ءجيى كەزدەستىرەتىن كەدەرگىلەرمەن جانە قورشاۋلارمەن جابدىقتالعان جەر ۋچاسكەلەرىنەن وتۋگە تاماشا مۇمكىندىك الدى. جۋرناليستەر ءبىر- بىرلەپ «بارلاۋشى جولىنىڭ» نەگىزگى ەلەمەنتتەرى - ءۇش مەتر بيىكتىكتەگى ارقاننان جاسالعان كوپىردەن ءوتتى. بۇل جاتتىعۋلار جاۋىنگەرلىك ءىس- قيمىل بارىسىندا توپتاسىپ ءوتۋدىڭ جيناقىلىعىن پىسىقتاۋ بولىپ تابىلادى. توپ قۇرامىنداعى ادامنىڭ بىرەۋى كوپىردەن ءوتۋدى مەڭگەرۋ تەحنيكاسىن بۇزسا، كوپىر قاتتى شايقالىپ، سايكەسىنشە ودان ءوتۋ بارىنشا اۋىرلاي تۇسەتىنى جۋرناليستەر ءۇشىن ءبىرىنشى قيىنشىلىق بولدى.
«بۇل كوپىر ماعان ۇلكەن سىناق بولدى. ەڭ قىزىعى، جەردە تۇرىپ قاراعاندا كوپىردەن ءوتۋ وتە وڭاي كورىندى. دەگەنمەن وعان اياق باسقانىم سول ەدى، ول مەنىڭ سالماعىممەن شايقالا باستادى، باسقا ادامداردىڭ سالماعىنا قاراي تەپە- تەڭدىكتى ساقتاۋ جانە ءوتۋ ءتىپتى قيىن. شىندىعىندا ءبارىن ۇمىتىپ، بۇل كوپىردەن جىلدام ءوتۋ كەرەك»، - دەپ ءبولىستى ءوز سەزىمىمەن سەمينارعا قاتىسۋشىلاردىڭ ءبىرى.
ۇيىمداستىرۋشىلاردىڭ ايتۋىنشا، بۇل جولى جۋرناليستەردىڭ پسيحولوگيالىق دايارلىعىنا ەرەكشە ءمان بەرىلگەن. باق وكىلدەرىنە ارناپ تانىسۋعا، ۇجىمعا بىرىگۋگە باعىتتالعان پسيحولوگيالىق جاتتىعۋلار، ويىندار وتكىزدى. وسى ورايدا جۋرناليستەر قارۋلى قاقتىعىستار اۋماعىنا قاجەتتى قولايلىلىق جاساپ، ۇجىمدى سەزىنۋگە جانە دامىتۋعا سەپتىگىن تيگىزدى. بۇدان وزگە ءبىر وقيعا كەزىندە ءبىرىنشى رەت ءوزارا ءىس- قيمىلعا قاتىسقان سەرىگىنە سەنىم ءبىلدىرۋ دە ماڭىزدى بولىپ سانالادى.