10:34, 22 - تامىز 2015 | GMT +5
بريتانيا ك س ر و- نىڭ پايداسىنا قىزمەت ەتكەن ءوز اگەنتىنىڭ قۇپياسىن اشتى
استانا. قازاقپارات - بريتانيا بارلاۋشىلارى اشىلعان قۇپيا قۇجاتتاردان ەكىنشى دۇنيەجۇزىلىك سوعىس كەزىندە بريتاندىق قۇپيا اگەنتتەردىڭ ءبىرى بولعان سەدريك بەلفرادج كەڭەس ۇكىمەتىنىڭ بارلاۋ قىزمەتىنە جۇمىس جاساعانىن اشىپ وتىر.

ءبىراق ول سول ءۇشىن ەشقانداي جاۋاپكەرشىلىككە تارتىلماعان، دەپ جازادى «بي-بي-سي» اگەنتتىگى.
بريتانيا بارلاۋ قىزمەتى بۇل جاعدايدى بىلە تۇرسا دا، ۇكىمەت بەدەلىنە نۇقسان كەلتىرۋى مۇمكىن دەگەن سەبەپپەن جاعدايعا قارسى ارەكەت ەتپەگەن. ال، قۇپياسى اشىلعان قۇجاتتاردا «م ي-5» بەلفرادج كەلتىرگەن زياننىڭ قانشالىقتى ەكەنىن تولىق سەزىنبەگەنىن ايتادى.
تاريحشىلاردىڭ پىكىرىنشە، سەدريك بەلفرادج ك س ر و ارنايى قىزمەتى ءۇشىن «كەمبريدج بەستىگىنەن» دە (1930-50 - جىلدارى كەڭەس وداعىنىڭ پايداسىنا تىڭشى بولعان بريتاندىق يستەبليشمەنت مۇشەلەرى) باعالى اگەنت بولعان.