ن. نازاربايەۆ شەنەۋنىكتەر شتاتىن كەڭەيتۋگە جانە جالاقىسىن كوبەيتۋگە موراتوري جاريالادى

استانا. قازاقپارات - اقوردادا نەگىزگى ەكسپورتتاۋشى كومپانيالار باسشىلارىنىڭ قاتىسۋىمەن وتكەن كەڭەستە ەلباسى نۇرسۇلتان نازاربايەۆ شەنەۋنىكتەر شتاتىن كەڭەيتۋگە موراتوري جاريالادى.
None
None

«كۇتۋ قاجەت جانە مۇنى بارلىعى دا ءتۇسىنۋى ءتيىس. ۇكىمەتكە الاقان جايىپ كەلۋدىڭ قاجەتى جوق. سوندىقتان دا 2016-2018 - جىلدارى جاڭا باستامالارعا، شەنەۋنىكتەردىڭ شتاتى مەن جالاقىسىن كەڭەيتۋگە موراتوري جاريالايمىن. ءبىراق، ەگەردە جاعداي تۇزەلىپ، احۋال باسقاشا بولاتىن بولسا، قايتا قارايتىنىمىز ءسوزسىز»، - دەدى ەلباسى.

مەملەكەت باسشىسى قازىرگى جاعداي ءاربىر كاسىپورىننان جانە ۇكىمەتتەن ۇزاقمەرزىمدى شارانى تالاپ ەتەتىندىگىن باسا ايتتى.

 «ەكونوميكالىق اقيقاتتى ەسكەرە وتىرىپ، ىشتەي جانە جالپى مۇنايدىڭ باعاسى تومەن جاعدايدا ءومىر سۇرۋگە دايىن بولۋ كەرەك. ياعني، «قارۋلانۋعا» پەسسيميستىك نۇسقانى العان ءجون. ەگەر جاقسى بولسا، بۇل ءبىزدىڭ قالتامىزعا تۇسەدى. ال بۇلاي بولماعان جاعدايدا ءبىز دە وعان دايىن بولامىز»، - دەدى ق ر پرەزيدەنتى.

 ەلباسى رەسپۋبليكالىق بيۋدجەت كىرىسىنىڭ كولەمىنە بايلانىستى جاڭا جوبالاردىڭ، جاڭا باستامالاردىڭ شىعىستارى قاتاڭ شەكتەلەتىندىگىن باسا اتاپ ءوتتى.

«ۇكىمەت بارلىق كاسىپورىندارعا جاپپاي قولداۋ كورسەتۋدەن تيىلۋى ءتيىس. مەملەكەت باسەكەگە قابىلەتتى كومپانيالارعا عانا قولداۋ شارالارىن كورسەتۋى ءتيىس»، - دەدى ەلباسى.

مەملەكەت باسشىسى ءوز سوزىندە امەريكادا ميلليونداعان فەرمەر بانكروتقا ۇشىراپ، ميلليونداعان فەرمەر پايدا بولاتىندىعىن اتاپ ءوتتى.

 «ال بىزدەگى بانكروتتىق - قاعازباستىلىق، كاسىپورىندار بوس تۇر. بۇلاي بولماۋى ءتيىس»، - دەدى مەملەكەت باسشىسى.

سوڭعى جاڭالىقتار