قازاقستاندىقتار حالىق ءارتىسى بازارباي جۇمانيازوۆتى باقيلىق ساپارعا شىعارىپ سالدى

الماتى. قازاقپارات - بۇگىن الماتىدا ق ر حالىق ءارتىسى، «پاراسات» وردەنىنىڭ يەگەرى، كومپوزيتور، قازاقستاننىڭ ەڭبەك سىڭىرگەن قايراتكەرى بازارباي جۇمانيازوۆتى اقتىق ساپارعا شىعارىپ سالۋ ءراسىمى ءوتتى.
None
None

وعان الماتى اكىمى باۋىرجان بايبەك، قوعام مەن مادەنيەت سالاسىنىڭ وكىلدەرى، مارقۇمنىڭ تۋىستارى مەن جاقىندارى قاتىستى.

الماتى اكىمى باۋىرجان بايبەك بازارباي جۇمانيازوۆتىڭ قايتىس بولۋىنا وراي كوڭىل ايتىپ، مەملەكەت باسشىسى نۇرسۇلتان نازاربايەۆ جولداعان جەدەلحاتتى وقىپ بەردى.

«ونىڭ اسقاق رۋحتى ماحامبەت وپەراسى، كوپتەگەن سيمفونيا- پوەمالارى، اسەم اندەرى مەن رومانستارى ۇلتتىق رۋحاني قازىنامىزدى بايىتىپ، مادەنيەتىمىزدىڭ التىن قورىنان لايىقتى ورىن الدى. ب. جۇمانيازوۆ جەكە شىعارماشىلىعىمەن قاتار، قايراتكەرلىك قىزمەتىمەن دە تاۋەلسىز ەلىمىزدىڭ ونەرىن وركەندەتۋ جولىندا تالماي تەر توكتى»، - دەلىنگەن جەدەلحاتتا.

قازاقستان پرەزيدەنتى ب. جۇمانيازوۆتىڭ قازاق ونەرىنىڭ بەلدى وكىلى ەكەندىگىن جانە وتاندىق كاسىبي مۋزىكانى دامىتۋعا زور ۇلەس قوسقاندىعىن اتاپ ءوتتى.

مارقۇمنىڭ دەنەسى كەڭساي زيراتىنا جەرلەندى.

اۆتور: گۇلميرا عوسمانالي

سوڭعى جاڭالىقتار