قىرعىزستانمەن اراداعى وتكىزۋ بەكەتتەرىندەگى قىزمەتتەن بوساعان كەدەنشىلەر ەندى نە ىستەمەك؟

استانا. قازاقپارات - قىرعىزستان شەكاراسىندا كەدەندىك جانە كولىكتىك باقىلاۋدىڭ توقتاۋىنا بايلانىستى جۇمىسسىز قالعاندار اۋىل شارۋاشىلىعىنىڭ، ۇلتتىق ەكونوميكا مينيسترلىگى تۇتىنۋشىلار قۇقىقتارىن قورعاۋ كوميتەتىنىڭ بولىمشەلەرىنە جانە ۇ ق ك شەكارا قىزمەتىنە اۋىستىرىلادى.

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر قارجى مينيسترلىگى مەملەكەتتىك كىرىستەر كوميتەتىنىڭ باسقارما باسشىسى قايرات ماۋبايەۆ ءمالىم ەتتى.

«بوساعان شتاتتار مەملەكەتتىك كىرىستەر ورگاندارىنىڭ اۋماقتىق بولىمشەلەرىنە قايتا ورنالاستىرىلادى. سونىمەن قاتار كەيبىر قىزمەتكەرلەردى اۋىل شارۋاشىلىعى، ق ر ۇلتتىق ەكونوميكا مينيسترلىگى تۇتىنۋشىلار قۇقىقتارىن قورعاۋ كوميتەتىنە، مۇنىمەن قوسا ق ر ۇ ق ك شەكارا قىزمەتىنە بەرۋ تۋرالى قاراستىرۋدامىز»، - دەدى ول.

ەستەرىڭىزگە سالا كەتەيىك، قىرعىزستاننىڭ ە ا ە و- قا قوسىلۋى تۋرالى كەلىسىمنىڭ كۇشىنە ەنۋىنە وراي قازاقستاندىق- قىرعىزستاندىق شەكارانىڭ ۋچاسكەسىندە تاۋارلار مەن كولىك قۇرالدارىنا قاتىستى باقىلاۋعا تىيىم سالىندى.

اۆتور: رۋسلان عابباسوۆ