00:04, 19 - تامىز 2015 | GMT +5
نازاربايەۆ ۋنيۆەرسيتەتىنىڭ جانىنان مەديتسينا مەكتەبى اشىلدى - فوتو
استانا. قازاقپارات - «نازاربايەۆ ۋنيۆەرسيتەتىنىڭ» جانىنان جوعارى مەديتسينالىق ءبىلىم بەرەتىن مەديتسينا مەكتەبى اشىلدى. پيتتسبۋرگ ۋنيۆەرسيتەتىمەن اراداعى ارىپتەستىك اياسىندا اشىلعان مەديتسينا مەكتەبى 20 ستۋدەنت پەن 23 وقىتۋشىنى بيومەديتسينا عىلىمدارىنىڭ كافەدراسىنا قابىلداپ تا ۇلگەرگەن.

«جالپى، بۇل جوبانىڭ ماقساتى ورتالىق ازيا بويىنشا بيومەديتسينانىڭ حابىن قۇرۋ. كورىپ وتىرعانىمداي، مەديتسينا مەكتەبىندە ينفراقۇرىلىم، ءتيىستى رەسۋرستار جانە ەڭ باستىسى تالاپتى ستۋدەنتتەر بار»، - دەدى جاڭادان اشىلعان مەكتەپتىڭ دەكانى - گلازگو ۋنيۆەرسيتەتىنىڭ مەديتسينا مەكتەبىنىڭ دەكانى، تانىمال پاتومورفرولوگ جانە بيومەديتسينا سالاسىنىڭ جاسۋشا ادگەزياسىن زەرتتەيتىن مامانى دوكتور ماسسيمو پيناتەللي.
مەديتسينا مەكتەبىنىڭ اشىلۋ سالتاناتىنا قاتىسا وتىرىپ، ق ر دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى الەكسەي سوي بۇل مەكتەپ قازاقستاننىڭ دامىعان ەلدەردىڭ قاتارىنا قوسىلۋداعى ماقساتىن ورىنداۋعا ۇلەس قوسادى دەپ اتاپ ءوتتى.
جاڭا مەديتسينا مەكتەبىنە قابىلدانعان ستۋدەنتتەر كوپشىلىك الدىندا گيپپوكرات انتىن قابىلدادى.