استانا اكىمى ۆوكزال اۋماعىن جەزوكشەلەردەن تازارتۋدى تالاپ ەتتى

استانا. قازاقپارات - بۇگىن استانا اكىمى ادىلبەك جاقسىبەكوۆ اپپاراتتىق جيىن بارىسىندا ىشكى ىستەر دەپارتامەنتىنەن ۆوكزال اۋماعىن قايىرشىلار مەن جەزوكشەلەردەن، «تۇنگى كوبەلەكتەردىڭ» قىزمەتىن ۇسىناتىن سۋتەنەرلەردەن تازارتۋدى تالاپ ەتتى، دەپ حابارلايدى astana.gov.kz.
None
None

اكىمنىڭ ايتۋىنشا، ۆوكزال اۋماعىنداعى جاعداي وزەكتى ماسەلەگە اينالعان. قايىرشىلار، «تۇنگى كوبەلەكتەردىڭ» قىزمەتىن ۇسىناتىن سۋتەنەرلەر جانە ۆوكزال اۋماعىنداعى قىم- قۋىت تىرلىكتىڭ ءبارى قالا تۇرعىندارى مەن قوناقتارى تاراپىنان ايتىلاتىن كوپ سىنعا تۇرتكى بولادى.

«مىسالى، «ۆەچەرنيايا استانا» گازەتىنىڭ سەنبىلىك نومىرىندە ءتىلشى وزگە قالادان كەلگەن ادام رەتىندە كورىنىپ، ۆوكزال اۋماعىنداعى ءومىردىڭ بارلىق قىر- سىرىن اشىپ بەرگەن. بۇل كەشە عانا ورىن العان جاعداي ەمەس. ىشكى ىستەر دەپارتامەنتىنەن ۆوكزال اۋماعىن تازارتۋ بويىنشا شارا قابىلداۋدى تالاپ ەتەمىن»، - دەدى اكىم.

وتىرىستا سونمەن قاتار تۇرعىندارعا كورسەتىلەتىن قىزمەت ساپاسى، ينۆەستيتسيا تارتۋ، جاڭا وقۋ جىلىنا قالا مەكتەپتەرىن دايىنداۋ جانە تاعى دا ءبىرقاتار وزەكتى ماسەلەلەر تالقىلاندى.

وتكەن اپپاراتتىق جيىنداردىڭ بىرىندە ەلورداداعى سۋپەرماركەتتەردىڭ، ساۋدا ورتالىقتارى مەن دەنساۋلىق ساقتاۋ مەكەمەلەرى، سونداي- اق، وزگە دە الەۋمەتتىك نىسانداردىڭ حالىققا كورسەتەتىن قىزمەتتەرىنىڭ ساپاسىن ارتتىرۋ بويىنشا ماسەلە كوتەرىلگەن بولاتىن. بۇل ماسەلەگە تۇرعىندار دا ءۇن قوستى. قالا باسشىسى اتاپ وتكەندەي، قالالىق قۇرىلىمداردىڭ باستى جۇمىس باعىتى ەلوردالىق سەرۆيس دەڭگەيىن جانە حالىققا كورسەتىلەتىن بارلىق قىزمەت تۇرلەرىنىڭ ساپاسىن ارتتىرۋ بولۋى كەرەك.

سوڭعى جاڭالىقتار