س. احمەتوۆتىڭ قورعاۋشىلارى سوت زالىنداعى مىنبەردىڭ ورنىن اۋىستىرۋدى سۇرادى

ازىرگە ولاردىڭ سانى 25 ادام. سوت وتىرىسى تاڭەرتەڭگى ساعات 10:00-دا باستالدى. ەكس- پرەمەر سەرىك احمەتوۆتىڭ قورعاۋشىلارى سوت زالىنداعى مىنبەردىڭ ورنىن اۋىستىرۋدى سۇرادى.
جابىرلەنۋشىلەردەن جاۋاپ العاندا ولاردىڭ بەت- ءجۇزى كورىنبەيدى دەگەن ءۋاجدى العا تارتىپ وتىر ادۆوكاتتار. ءدال قازىر قاراعاندىنىڭ بۇرىنعى اكىمى باۋىرجان ابدىشيەۆكە قاتىستى ەپيزود قاراستىرىلۋدا. تەرگەۋ ناتيجەسى بويىنشا، 2012 - جىلى ابدىشيەۆتىڭ قاراجاتىنا قۇيماتاستار شىعاراتىن زاۋىت سالىنعان. ءسويتىپ مەملەكەتتىك ساتىپ الۋلاردا تەك اتالعان زاۋىتتىڭ عانا ءونىمىن الۋ تالابى قويىلعان. ناتيجەسىندە وزگە زاۋىت يەلەرى 7,5 ميلليون تەڭگە پايدادان قاعىلعان.
ەستەرىڭىزگە سالا كەتەيىك، بۇل اتىشۋلى سوت وتىرىسى شىلدەنىڭ اياعىندا باستالعان بولاتىن. سەرىك احمەتوۆپەن قاتار 20 ادام ايىپتالۋدا. ولاردىڭ اراسىندا وبلىستىڭ جانە قالانىڭ بۇرىنعى اكىمدەرى باۋىرجان ابدىشيەۆ پەن مەيرام سماعۇلوۆ تا بار. جوعارى شەندى شەنەۋنىكتەرگە جەمقورلىققا جول بەرىپ، مەملەكەت قارجىسىنا قول سالدى دەگەن ايىپ تاعىلۋدا. كۇدىكتىلەردى 50 بىردەي ادۆوكات قورعاپ جاتىر. ءبىر عانا ەكس- پرەمەردىڭ باسىندا 5 قورعاۋشى بار. قىلمىستىق ءىس 340 تومنان تۇرادى.
www.24.kz