09:56, 17 - تامىز 2015 | GMT +5
جاپونيادا تەمىر جول ستانساسىندا ماس ادامداردى اۆتوماتتى تۇردە انىقتايتىن كامەرا ورناتىلدى
استانا. قازاقپارات - جاپوندىق JR West كولىك كومپانياسى پيلوتتىق جوبا اياسىندا ماس ادامداردى انىقتاۋ ماقساتىندا وساكاداعى كەباسي تەمىر جول ستانساسىنداعى بەينەباقىلاۋ جۇيەسىن جاڭعىرتتى.

N+1 حابارلاعانداي، جۇيە 46 باقىلاۋ كامەراسىنان تۇرادى. ولار بولىپ جاتقان قۇبىلىستى سارالايدى. ەگەر ادام پلاتفورما شەتىندە كوپ تۇرسا نەمەسە دۇرىس جۇرمەسە، وندا جۇيە كەزەكشىنى ەسكەرتەدى.
JR West كومپانياسىنىڭ وكىلدەرى وسىعان دەيىن دە ماس ادامداردىڭ رەلستەرگە قۇلاۋىنىڭ الدىن الۋ بويىنشا شارالاردى قابىلداپ كورگەن.
2013 - جىلى جاپونيادا ادامدى پويىز سوعۋدىڭ 221 وقيعاسى تىركەلگەن. جاپا شەككەندەردىڭ %60- ى ماس كۇيدە بولعان.