14:47, 15 - تامىز 2015 | GMT +5
الماتى كوشەلەرىندە جانۋارلار شەرۋى ءوتتى - فوتو
الماتى. قازاقپارات - بۇگىن الماتى كوشەلەرىندە جانۋارلار شەرۋى ءوتتى. مادەني شارا قازاق سيركىنىڭ قۇرىلعانىنا 45 جىل تولۋىنا وراي ۇيىمداستىرىلدى.

قالا تۇرعىندارى تەك تۇيەلەر مەن ايۋلاردىڭ ونەرىن عانا تاماشالاپ قويماي جونگلەرلار مەن «نوماد» كوشپەلى اكروباتيكالىق توبىنىڭ، سيرك بالەتى ارتىستەرىنىڭ جارقىن نومىرلەرىنە كۋا بولدى.
ونەر كولونناسى قازق مەملەكەتتىك سيرك عيماراتىنان شىعىپ، اباي كوشەسىمەن سەيفۋللين داڭعىلىنا دەيىن ءجۇرىپ ءوتتى.
سودان سيرك كاۆالكاداسى م. اۋەزوۆ اتىنداعى دراما تەاترىنىڭ ايالداماسىنا دەيىن بارىپ سيرك عيماراتىنا قايتا ورالدى. جانۋارلار شەرۋى مەرەكەلىك قويىلىممەن اياقتالدى.
ايتا كەتۋ كەرەك، تامىزدىڭ 14-ىنە جوسپارلانعان مادەني شارا جاڭبىر جاۋۋىنا بايلانىستى 15 ىنە اۋىستىرىلعان بولاتىن.
24 - شىلدەدە «قازمەم سيركتىڭ» قۇرىلعانىنا 45 جىل تولدى. مەرەيتويعا وراي قالادا 18-23 - تامىز ارالىعىندا «13 عاجايىپ» حالىقارالىق تەاترالدى- سيرك قويىلىمى وتەدى.