قازاق-قىرعىز شەكاراسى رەسمي تۇردە اشىلدى
«قورداي» (قازاقستان) جانە «اق-جول» (قىرعىزستان) كەدەن كۇزەتتەرىندە تۇرعان ق ر پرەمەر-ءمينيسترىنىڭ ورىنباسارى باقىتجان ساعىنتايەۆ پەن ق ر ۇكىمەتىنىڭ باسشىسى تەمىر ساريەۆ قازاقستان مەن قىرعىزستان پرەزيدەنتتەرىنەن شەكارانى اشۋدى سۇرادى.
ن. نازاربايەۆ پەن ا. اتامبايەۆ تەلەكوپىر رەجىمىندە شەكارانىڭ قازاق-قىرعىز ۋچاسكەسىندە كەدەندىك باقىلاۋ جويىلعانىن رەسمي تۇردە جاريالادى.
«شەكارانىڭ اشىلۋى - ەكى ەل ءۇشىن دە تاريحي وقيعا. بۇل بيزنەستى جانداندىرىپ، ساۋدانى جاڭعىرتادى. قىرعىزستان حالقىنا باقىت، تابىس تىلەيمىن»، - دەدى مەملەكەت باسشىسى قۇتتىقتاۋ سوزىندە.
بۇگىن قىرعىز رەسپۋبليكاسىنىڭ ەۋرازيالىق ەكونوميكالىق وداققا قوسىلۋى تۋرالى شارت كۇشىنە ەندى. قىرعىزستان ارمەنيا، بەلارۋس، قازاقستان جانە رەسەيمەن قاتار ە ا ە و- نىڭ بەسىنشى مۇشەسى اتاندى. ە ا ە و- عا مۇشە بارلىق مەملەكەتتەر رەسپۋبليكانىڭ وداققا قوسىلۋى تۋرالى شارتتى راتيفيكاتسيالاۋدى كەلىسۋ ءۇردىسىن اياقتادى.
