ادام تارتىبىندەگى كەلەڭسىزدىكتەر

استانا. قازاقپارات - ادام تارتىبىندە تۇسىنىسپەۋشىلىككە باستايتىن پەندەشىلىك ارەكەتتەر كەزدەسەدى. بىرەۋدىڭ بويىنان سونداي جاعىمسىز قىلىقتاردى كورە تۇرا، كەيدە ونى ءوزى دە قايتالاپ جاتادى. سولاردىڭ بىرنەشەۋىن قاراستىرىپ كورەيىك.

1. ادام وزىنە سەنىمسىز بولعان جاعدايدا باسقالاردى تومەندەتۋگە تىرىسادى.

2. تەستىلەۋ كەزىندە جوعارى كورسەتكىشكە يە بولعاندار وزگەلەردىڭ تومەن دارەجەسىن كورگەندە قۋانادى.

3. وزگەلەردى تومەندەتۋ ارقىلى عانا ءوز دارەجەسىن كوتەرە الامىن دەپ ويلايدى.

4. ادامنىڭ تۇيىندەمەسى ەرەكشە پاپكادا تۇرسا، ونى مەيلىنشە سالماقتى ءارى تۇراقتى ادام دەپ قابىلدايدى.

5. قاتالدىق پەن مارتتىك - ادامدى يىلمەيتىن، تاكاپپار ەتىپ كورسەتەدى. ونداي كىسىنىڭ باسقالارمەن قارىم- قاتىناس جاساۋى قيىن سياقتى سەزىلەدى. ال ادامدارعا سالقىن قاباق تانىتسا، ونىڭ سەبەبى جالعىزسىراۋ دەپ ۇعادى.

6. ادامدار بىرەۋدىڭ ءوتىنىشىن اياق استى ەتە الماعان جاعدايدا عانا قول ۇشىن سوزۋعا ءماجبۇر بولادى، ياعني شىن كوڭىلدەن كومەكتەسكىسى كەلگەندىكتەن ەمەس، امالسىزدىقتان بارادى.

7. بىرەۋ تىكەلەي ءوتىنىش بىلدىرسە، قارسىلىق ءبىلدىرۋى سيرەك.

8. وتىرىك ايتۋ اسا جىگەرلىلىكتى تالاپ ەتەدى. ادام باسىندا ءبىر مەزگىلدە ەكى جاعداي قاباتتاسىپ ءومىر سۇرەدى: ءبىرى - وتىرىكتى قۇراستىرىپ ايتۋ، ەكىنشىسى - شىندىقتى جاسىرۋ.

9. بىرەۋ باقىلاپ تۇرعانىن سەزسە، ءوزىن جاقسىراق ۇستايدى. اسحانادا اس ىشكەن ورنىن ءوزى جيناپ كەتۋى ءۇشىن بەينەباقىلاۋ ورناتىلعان بەلگى رەتىندە كوزدىڭ سۋرەتىن ءىلىپ قويۋ جەتكىلىكتى.

10. ادام بىرەۋگە وتىرىك ايتىپ، الداپ سوعۋ ارەكەتىن ءوزى باسقاشا باعالايدى، ياعني ءوزىن اقتاپ الۋعا تىرىسادى. مۇنىمەن ءوزىن دە، وزگەنى دە الداپ تۇرعانىن تۇسىنبەيدى.

11. تارتىمدى، شىنايى ءتۇر ادامدى قاتەلىككە ۇرىندىرادى. كوپ ادام سىرتقى تۇرگە سەنەمىن دەپ الدانىپ قالىپ جاتادى. كاسىبي ماماندار ارباۋشى ادامداردىڭ %86 نىڭ ءتۇرى شىنشىل ادامدارعا ۇقساس كەلەتىنىن انىقتاعان.

12. سىرتقى كەلبەت ءتىپتى ساياسي سايلاۋدا تاڭداۋ جاساعاندا دا زور ماڭىزعا يە. حالىق سايلاۋعا تۇسۋشىلەردىڭ ەشبىرىن تانىماسا، سۋرەتتەگى تۇرلەردىڭ بايسالدىلىعى مەن تارتىمدىلىعىنا بايلانىستى تاڭداۋ جاساپ جىبەرۋى ابدەن مۇمكىن.

13. تابىستى ءارى باي ادامدار ءبىر قاراعاندا اقىلدى، تاپقىر كورىنەدى. كۇنى- ءتۇنى تىنىم كورمەي ەتكەن ەڭبەگى مەن توككەن تەرىنىڭ ارقاسىندا عانا وسى كۇنگە جەتتى دەگەن ويدا قالادى.

14. ادامداردىڭ ويىنشا اقشاسى ەڭ كوپ ادام باقىتتى ەمەس، قارجىسى كورشىسىنەن كوپ بولۋ عانا باقىت. ادامدار ءاردايىم وزدەرىن كورشىلەرىمەن سالىستىرۋمەن بولادى. بايلىعى مولايا تۇسكەن سايىن، ودان دا داۋلەتتى ادامداردىڭ ورتاسىنا ءتۇسۋدى قالايدى جانە ءوزىن سولارمەن سالىستىرا وتىرىپ، باسەكەگە قابىلەتتى بولۋعا تالپىنادى.

15. ادام ارمانىنا جەتكەن سايىن اشۋعا ءبىر تابان جاقىنداي تۇسەدى. ءبىر قامالدى العان سايىن مۇڭايعان تۇرگە اۋىسادى. ول قاناعاتتىڭ جوقتىعىن كورسەتەدى.

16. شەشىم شىعارۋ قيىنعا سوقسا، ونى سول كۇيىندە قالدىرادى. مىسالى، تىم ۇلكەن دۇكەندەردەگى تاۋار تۇرلەرىنىڭ كوپتىگىنە بايلانىستى، قايسىسى جاقسى ەكەنىن تاڭداي الماسا، ەشنارسە ساتىپ الماي- اق شىعىپ كەتەدى.

17. ادامدار سوڭى جاقسىلىققا اپارعان كۇندە دە، اياق استى قابىلدانعان شەشىم ءۇشىن وكىنەدى. سول كەزدە شەشىم شىعاراتىن ۋاقىت جەتكىلىكتى بولىپ ەدى دەپ ويلايدى.

18. ادام بارلىق جاعدايدا بىردەي تاۋەكەلشىل بولماۋى مۇمكىن. ءبىر ادام پاراشيۋتپەن وڭاي سەكىرىپ كەتىپ، باستىعىنان قاتتى قورقاتىن بولىپ شىعادى. الدە جولبارىستى ۇيرەتىپ جۇرگەن جىگىت ادەمى قىزدى كورگەندە ءتىلى بايلانىپ، سويلەۋگە باتىلى بارماۋى ىقتيمال.

19. ءىش پىسۋدىڭ دا جاقسى جاقتارى بار. كۇندەلىكتى تاپتاۋرىن ارەكەتتەردەن جالىققان ادام جاقسى ءىس جاساۋعا ۇمىتىلىپ، ءومىرىنىڭ ءمانىن سودان تابۋى مۇمكىن.

massaget.kz