د س ۇ: سىرتقا شىعاراتىن تاۋارلارى كوپ، جاڭا تەحنولوگيالاردى وتاندىق وندىرىسكە ەنگىزۋگە بارىنشا مۇددەلى قازاقستان ءۇشىن ەلەۋلى وقيعا
بۇل تۋرالى رەسپبۋليكالىق «ەگەمەن قازاقستان» گازەتىنە بەرگەن سۇحباتىندا اقتوبە وبلىسىنداعى «جاڭا ءالجان ۇن كومبيناتى» ج ش س ديرەكتورى قانات تاپايەۆ ايتتى.
«ەگەمەن ەلىمىزدىڭ ەڭسەسى تاعى ءبىر تۇزەلدى. قازاقستان دۇنيەجۇزىلىك ساۋدا ۇيىمىنا رەسمي قابىلداندى.
بۇل ەلىمىزدىڭ بەدەلىن تاعى ءبىر بەلەسكە كوتەردى. مۇنىڭ ءوزى د س ۇ- عا 162- ەل بولىپ ەنىپ وتىرعان قازاقستاننىڭ بولاشاعىنىڭ زور ەكەندىگىن اڭعارتادى. بۇل سىرتقا شىعاراتىن تاۋارلارى كوپ، جاڭا تەحنولوگيالاردى وتاندىق وندىرىسكە ەنگىزۋگە بارىنشا مۇددەلى بولىپ وتىرعان قازاقستان ءۇشىن ەلەۋلى وقيعا ەكەنى ءسوزسىز»، دەدى ول.
«بۇل بىزگە ونىمدەرىمىزدى سىرتقا شىعارۋعا مول مۇمكىندىك اشىپ وتىر، دەپ جالعاستىردى ءسوزىن ق. تاپايەۆ. - ءبىزدىڭ كاسىپورىن الەمدىك نارىققا شىعۋدىڭ ناقتى قادامدارىن جاساۋدا.
جاقىندا عانا ءبىزدىڭ ۇن كومبيناتىنىڭ «Granum» ساۋدا ماركالى ۇنى مەن ماكارون ونىمدەرىنىڭ تۇساۋكەسەرىن وتكىزدىك. كاسىپورىننىڭ بۇل ونىمدەرى قازىردىڭ وزىندە جەرگىلىكتى جانە حالىقارالىق نارىقتا سۇرانىسقا يە بولىپ وتىر. بۇل ونىمدەردىڭ ساپاسى گوست جانە ن ا س ر ستاندارتتارىنا ساي كەلەدى، اسسورتيمەنتى ءارتۇرلى، باعاسى قولجەتىمدى. «Granum» ۇنىنىڭ ەڭ باستى ەرەكشەلىگى «Elcovit» دارۋمەندىك - مينەرالدى كەشەنىمەن بايىتىلۋى دەۋ ورىندى. ۇننىڭ قۇرامىندا تەمىر، فولي قىشقىلى، نيكوتين قىشقىلى، ريبوفلابين جانە تيامين دارۋمەندىك توپتارى بار. «Granum» ۇنى ادام دەنساۋلىعىنا وتە پايدالى ءونىم بولىپ تابىلادى.
كاسىپورىندا بۇل ۇننىڭ ءتورت ءتۇرى شىعارىلادى. ۇننىڭ «ەكسترا» امبەباپ، ءتاتتى ناندار، قۇيماق پىسىرەتىن جانە ىستىق تاعامدار ءۇشىن جايمالارعا پايدالاناتىن سورتتارىنىڭ ءارقايسىسىنىڭ وزىندىك ەرەكشەلىكتەرى بار. سونداي-اق، سەرىكتەستىكتە جاقىندا وسى ۇننان دايىندالاتىن ماكارون بۇيىمدارىن شىعاراتىن فابريكا پايدالانۋعا بەرىلمەك. بۇل فابريكا جىلىنا 12 مىڭ توننا 15 ءتۇرلى قىسقا جانە ۇزىن كەسىلگەن ماكارون بۇيىمدارىن وندىرەدى.
كاسىپورىن قۋاتى تاۋلىگىنە 550 توننا ۇن تارتۋعا مۇمكىندىك بەرەدى. ۇن مەن ماكارون ونىمدەرىنىڭ قازاقستاندىق برەندى وبلىس ورتالىعىنداعى ساۋدا ورىندارىندا ساتىلۋدا. سونىمەن قاتار، اتىراۋ، ماڭعىستاۋ جانە باتىس قازاقستان وبلىستارىنا دا جونەلتىلە باستادى. سەرىكتەستىكتىڭ ۇندارى ورتا ازيا مەملەكەتتەرىنە، گرۋزياعا جانە رەسەيگە ەكسپورتقا شىعارىلۋدا. ەندى يران، اراب ەلدەرىنە شىعارۋ كوزدەلۋدە».
