دارىندى قازاق بالالارى الەمدىك ءبىلىم جارىستارىنان وق بويى وزىپ ءجۇر

استانا. قازاقپارات - جىل سايىن جەتىستىكتەرىمەن ءوز رەكوردىن جاڭارتىپ وتىراتىن الماتىداعى رەسپۋبليكالىق فيزيكا- ماتەماتيكا مەكتەپ- ينتەرناتى تاياۋ كۇندەرى تاعى ۇلكەن تابىسقا جەتىپ، ب ا ق ارقىلى قۋانىشىمەن ءبولىستى.

 اتالمىش مەكتەپتىڭ ءۇش وقۋشىسى قازاقستان قۇراماسىندا تايلاندتا وتكەن حالىقارالىق ماتەماتيكا وليمپياداسىنا (IMO) اتتانىپ كەتكەن بولاتىن. وتكەن جىلى وسى وليمپيادانىڭ التىنىن جەڭىپ العان احان يسمايلوۆ بيىل ەكىنشى رەت جەڭىسىن قايتالاپ، ەكى دۇركىن چەمپيون اتاندى.

اسا بەدەلدى وسىناۋ وليمپيادادا ەكى جىل قاتارىنان التىن العان قازاق بالاسى بۇرىن بولماعان. جانە وسى مەكتەپتىڭ وقۋشىسى ولجاس قادىراكۋنوۆ كۇمىس مەدال، ال الەن ابدراحمانوۆ قولا مەدالمەن ماراپاتتالدى، دەپ جازادى «ەگەمەن قازاقستان».

ونىڭ الدىندا بيىلعى 5-12 - شىلدە ارالىعىندا ءۇندىستاندا 86 ەلدەن 382 وقۋشى قاتىسقان 46- حالىقارالىق فيزيكا وليمپياداسى (IPhO) وتكەن بولاتىن. سول جارىستا قازاقستان كومانداسى ءبىر التىن جانە ءبىر قولا مەدال جەڭىپ السا، التىن مەدالدى رەسپۋبليكالىق فيزيكا- ماتەماتيكا مەكتەبىنىڭ (ر ف م م) وقۋشىسى داۋلەت قۇرمانتايەۆ يەلەنىپ ەدى. ال 4-16 - شىلدە ارالىعىندا تايلاندتا وتكەن 56- حالىقارالىق ماتەماتيكالىق وليمپياداسىنا (IMO) الەمنىڭ 104 ەلىنەن 600 گە جۋىق وقۋشى قاتىسقان. قازاقستان كومانداسى 1 التىن، 1 كۇمىس جانە 2 قولا - بارلىعى ءتورت مەدالدى جەڭىپ الىپ، قازاقستان كومانداسى الەمدىك ءبىلىم دوداسىندا 25- ورىنعا تۇراقتادى. ناتيجەسىندە دارىندى قازاق بالالارى الەمنىڭ الدىڭعى قاتارلى ۋنيۆەرسيتەتتەرىنە شاقىرىلىپ، ءبىلىم گرانتتارىن جەڭىپ العان.

احان يسمايلوۆ گونكونگ (شياڭگاڭ) عىلىم جانە تەحنولوگيا ۋنيۆەرسيتەتىنە، ولجاس قادىراكۋنوۆ وڭتۇستىك كورەياداعى ەڭ ۇزدىك ۋنيۆەرسيتەت سانالاتىن سەۋل عىلىم جانە تەحنولوگيا ۋنيۆەرسيتەتىنە قابىلدانعان.

سول سياقتى بۇگىنگى كۇندەرى، ياعني 20-29 - شىلدە ارالىعىندا ازەربايجاندا حيميا پانىنەن 47- حالىقارالىق وليمپيادا (IChO) وتۋدە. قازاقستان كومانداسىنىڭ قۇرامىندا ر ف م م- نىڭ10- سىنىپ وقۋشىسى ارنۇر ماكەنوۆ بار. ءوز رەكوردىن ءوزى جاڭارتىپ وتىراتىن مەكتەپتىڭ سوڭعى 10 جىلدا 6 تۇلەگى ا ق ش- تاعى ماسساچۋسەتس تەحنولوگيالىق ينستيتۋتىنا ءوز كۇشتەرىمەن قابىلدانعان.

وسىلايشا رەسپۋبليكالىق فيزيكا- ماتەماتيكا مەكتەپ- ينتەرناتى تۇلەكتەرى الەمدەگى ەڭ جەتەكشى وقۋ ورىندارىنا تۇسكەن ەلىمىزدەگى بىردەن ءبىر كوشباسشى مەكتەپ بولىپ تۇر.

سول سياقتى «فيزماتتىڭ» ەسەت ءجۇسىپوۆ پەن نيدجات دجاۆادوۆ دەيتىن ەكى شاكىرتى INTEL ISEF- تە، ياعني دۇنيەجۇزىلىك وقۋشىلاردىڭ عىلىمي جانە ينجەنەرلىك جەتىستىكتەرىنىڭ جارىسىندا ءتورتىنشى ورىن العان. ا ق ش- تا وتكەن بۇل بايقاۋعا بيىل 77 مەملەكەتتەن 1658 وقۋشى قاتىسىپ، وعان نوبەل سىيلىعىنىڭ لاۋرەاتتارى مەن جەتەكشى ۋنيۆەرسيتەتتەردىڭ پروفەسسورلارى قازىلىق ەتكەنىن، جۇلدە قورى 4 ميلليون ا ق ش دوللارى ەكەنىن ەسكەرسەك، وندا بۇل تابىستىڭ ورنى كورىنەدى. قىسقاسى، دۇنيەءجۇزى بويىنشا بۇل جارىستا 16 ەلدىڭ عانا وقۋشىلارى مەدال الىپ كەلەدى. ال «فيزمات» وقۋشىلارى بەس جىلدان بەرى جۇلدەگە ىلىگىپ، ەكىنشى جىل قاتارىنان ەكىنشى ورىندى ۇستاپ تۇر.