مىسىردا يمامنىڭ ۇستىنەن قادىر ءتۇنى جاساعان دۇعاسى ءۇشىن قىلمىستىق ءىس قوزعالدى - كەسكىن

استانا. قازاقپارات - مىسىر بيلىگى ەل استاناسى - كاير قالاسىنداعى امر يبن ءال- اس مەشىتىنىڭ يمامى ءارى شەيح مۇحاممەد جيبريلدى قادىر تۇنىندە جاساعان دۇعاسى ءۇشىن قىزمەتىنەن قۋدى،

 دەپ جازادى يسلام. ك ز.

يمام تاراۋىق نامازىنان كەيىن: «و، اللا، قانىمىزدى توگىپ، بالالارىمىزدى جەتىم قالدىرعانداردى جازالا. و، اللا، «پەرعاۋىن سيقىرشىلارى» - تىلشىلەردى جازالا. و، اللا، جەمقورلاردى جازالا. ادىلەتسىزدىك ىستەگەندەردى جازالا. و، اللا، باسپانامىزعا قول سۇققانداردى جازالا. تيراندار مەن ءجابىر كورسەتۋشىلەردى جازالا. قالتاسىن ويلايتىن شەيحتەردى جازالا»، - دەپ دۇعا ەتكەن ەكەن.

 شەيح دۇعاسىندا ەشكىمنىڭ اتىن اتاپ، ءتۇسىن تۇستەمەسە دە، ونىڭ بۇل دۇعاسى بيلىك تىزگىنىن ۇستاپ وتىرعاندارعا ۇناماي قالعان. ولار بۇل دۇعانى ءوز اتتارىنا ايتىلىپ جاتقانداي قابىلداپ، يمامدى قىزمەتىنەن قۋدى. ول ول ما، ونىڭ ۇستىنەن وسى دۇعاسى ءۇشىن قىلمىستىق ءىس قوزعالدى.